Фрагмент сваёй прамовы на Усебеларускім народным сходзе Лукашэнка прысвяціў пытанню вызвалення палітвязняў. Гэты фрагмент вытрыманы ў звычайным для яго стылі — публічнага апраўдання перад сваімі сілавікамі, якія нібыта не разумеюць ягонай мяккасці. Таксама ён абвінаваціў апазіцыю за мяжой, што яна сама нібыта не ведае, чаго хоча.
«Я проста потым больш падрабязна пра гэта скажу, калі мы пачалі гэты дыялог з амерыканцамі, некаторыя, я нават Івану Кубракову сказаў: «Ты паглядзі на нашых хлопцаў, там амапаўцаў і іншых, якія ў першых шэрагах стаялі і абаранялі краіну». Яны: «Вось, навошта вось, яны такія-сякія, іх трэба мачыць там, не выпускаць з турмы» і гэтак далей.
Ну, хлопцы… Ну добра, ну пасядзяць яшчэ год-два. У некаторых тэрміны заканчваюцца. Памятаеце, пасля чарговай партыі мяне ўсе папракалі адтуль: «А, Лука ашукаў усіх, ён выпусціў тых, якія праз два месяцы павінны былі выйсці».
Ну, хлопцы, вы мяне прасілі — я выпусціў. Але яны ж маюць рацыю, ну два месяцы заставалася. Таму вы не хвалюйцеся.
Па-першае, фармуюць розныя спісы і іншае, так, мне прыходзіцца прымаць рашэнні. Я вам расказваў: гэтага адмарозка, жонка якога сядзіць у Літве з дзецьмі [маецца на ўвазе Сяргей Ціханоўскі. — Рэд.], і яна прасіла сям'ю ўз'яднаць. Яшчэ штосьці, нашы не хацелі: «Ды хай сядзіць, такі-сякі, забойца, вашага сына хацеў там забіць» і іншае.
Ну хлопцы, ну што там казаць, што было ўчора? Гэта трэба памятаць. Забываць не трэба. Ну, давайце адпусцім. Ну, просіць жонка ўз'яднацца. Уз'ядналі.
Але вы ж ведаеце, што адбываецца? Не трэба вам расказваць. Калі б гэта не на такім форуме, не ў адкрытым доступе, я б вам многае што мог распавядаць, тое, што мы бачым і ведаем.
Зараз крычаць: «Зноў Лука ашукаў». Ну чаго я вас ашукаў, вы ж прасілі? Вы прасілі — бярыце. Зараз не паспелі гэтых выпусціць — а, там, як яе, Калеснікава, Бабарыка, ствараюць у Германіі асобны цэнтр. Латушкі-Ціхушкі не патрэбныя.
Ну, вы прасілі іх выпусціць? А грошай не хапае, а дзяліць трэба тое, што ёсць. І пайшло-паехала. Зараз замаўчалі — сказаць няма чаго.
Я рабіў тое, што вы прасілі. Таму вы мяне не папракайце, калі я дзесьці штосьці там зрабіў у сілу сваіх паўнамоцтваў. Я свята памятаю, што нам сёння трэба. І ў пачатку вам сказаў: будзе эканоміка — будзе суверэнная і незалежная…»
Прапагандысты дэманструюць, як людзі з энтузіязмам прыходзяць слухаць Лукашэнку ФОТЫ
Лукашэнка: Імкненне да імпарту — вынік прамывання мазгоў
Лукашэнка: Не валяюся я ў прэзідэнцкай бальніцы, супакойцеся вы! А ў пандэмію ў рэанімацыі ніводнага худога чалавека не было
«Ніколі не быў супраць свабоднага выбару чалавека». Лукашэнка змякчыў пазіцыю адносна маршрутак
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі35
Каментары