У Мінску тратуарная плітка правалілася пад жанчынай. Пенсіянерка апынулася пад зямлёй амаль па пояс
Здарэнне адбылося каля пад’езда дома № 54 на праспекце Газеты «Праўда». Пенсіянерка абышлася спалохам і сінякамі.
Інцыдэнт пацвердзілі і ў ЖКГ Маскоўскага раёна. Да камунальшчыкаў пацярпелая прэтэнзій не мае, а тыя ў сваю чаргу выбачыліся.
Адразу пасля здарэння на месца выязджалі прадстаўнікі «Мінскводаканала», ЖЭУ, «Рэмаўтадара» і нават міліцыя, пішуць Мінск-Навіны.
Цяпер спецыялісты высвятляюць прычыны прасядання грунту. Адна з версій — прарыў знешніх сетак ліўнёвай каналізацыі. Дарэчы, капітальны рамонт дома праводзілі ў 2022 годзе. Тады будаўнікі замянілі сістэмы халоднага і гарачага водазабеспячэння, бытавую і ліўнёвую каналізацыі з выпускам да першых калодзежаў, а таксама трубаправоды сістэмы ўнутраных вадастокаў з пракладкай з полівінілхларыдных труб для напорнай каналізацыі.
Каментары