Паводле слоў Трампа, многія пункты мірнага плану па Украіне ўжо ўзгодненыя.
Фота: Kremlin Press Office / Handout / Anadolu via Getty Images
Спецпасланнік прэзідэнта ЗША Стыў Уіткаф сустрэнецца з расійскім лідарам Уладзімірам Пуціным у Маскве на наступным тыдні, заявіў Дональд Трамп.
Паводле слоў амерыканскага лідара, да Уіткафа ў паездцы можа далучыцца яго зяць Джарэд Кушнер.
«Стыў Уіткаф, магчыма, паедзе разам з Джарэдам. Я не ўпэўнены, што Джарэд паедзе, але ён удзельнічае ў гэтым працэсе, ён разумны хлопец, і яны сустрэнуцца з прэзідэнтам Пуціным, як я мяркую, на наступным тыдні ў Маскве», — сказаў Трамп журналістам на борце Air Force One.
Па яго словах, многія пункты мірнага плану па Украіне ўжо ўзгодненыя.
Каментары