У Беларусі плануюць забараніць рэкламу электронных цыгарэт і пашырыць пералік месцаў, дзе курэнне будзе цалкам забаронена. Пра гэта на прэс-канферэнцыі паведаміла кіраўніца аддзела грамадскага здароўя Рэспубліканскага цэнтра гігіены, эпідэміялогіі і грамадскага здароўя Вольга Бартман, піша Sputnik.
Згодна з беларускім заканадаўствам, да курэння адносяць не толькі звычайныя цыгарэты, але і выкарыстанне электронных сістэм курэння і сістэм для нагрэву тытуню.
Ужо існуюць нарматыўныя акты, якія рэгулююць гэты від прадукцыі, але ў канцы 2024 года быў ініцыяваны праект закона, які аб’яднае рэгуляванне тытунёвай і нікацінавай прадукцыі. У ім прадугледжваецца забарона рэкламы электронных прылад для курэння і пашырэнне спісу месцаў, дзе курэнне будзе забаронена, напрыклад, на ганках шматкватэрных дамоў і інтэрнатаў.
Вольга Бартман адзначыла, што найбольш часта нікацінавыя прадукты выкарыстоўваюць людзі ва ўзросце ад 19 да 29 гадоў, а медыкаў асабліва турбуе рост колькасці маладых людзей, якія карыстаюцца электроннымі цыгарэтамі. Чыноўніца падкрэсліла, што вэйпы не з’яўляюцца бяспечнымі, паколькі ў іх утрымліваецца нікацін, а таксама іншыя рэчывы (прапіленгліколь, гліцэрын), якія пры выпарванні выдзяляюць шкодныя для арганізму злучэнні.
Электронныя сістэмы курэння ўплываюць на дыхальную, сэрца-сасудзістую, імунную, рэпрадуктыўную і нервовую сістэмы, асабліва ў падлеткаў. Ёсць рызыка, што карыстальнікі вэйпаў у будучыні пачнуць курыць звычайныя цыгарэты і стануць «падвойнымі курцамі».
Паводле даследавання, 15,1% вучняў 13—15 гадоў выкарыстоўваюць электронныя прылады для курэння, і сярод іх больш дзяўчынак.
У Беларусі вырашылі не забараняць вэйпы — бо на іх ёсць «пэўны спажывецкі попыт»
Курэнне вэйпу можа выклікаць карыес
У Салігорску школьнік трапіў у бальніцу пасля ўжывання вэйпу
10% беларускіх дзяцей пачынаюць вэйпіць ужо ў пачатковых класах
Памятаеце, Качанава паабяцала забараніць вэйпы? Цяпер яна тлумачыць, чаму ўсё стала
Што адбылося з 16‑гадовай дзяўчынай з Дзяржынска, якая памерла пасля курэння вэйпу? Расказваюць яе сябры
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ23
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары
мне ребенок рассказывал что некоторые дети в 4 классе уже курят. покупают вейпы в телеграме