Актывы збанкрутаванай «Белрыбы» перайшлі да фірмы, блізкай да сям'і Лукашэнкі
На беларускім рынку рыбы адбыўся перадзел: актывы збанкрутаванай «Белрыбы» перайшлі да кампаніі «Марская гавань», якая звязана з блізкай да сям'і Лукашэнкі Людмілай Няронскай. Пра гэта паведамляецца ў справаздачы кампаніі «Коліерз», заўважыла «Люстэрка».
Кампанія «Марская гавань», зарэгістраваная ў Мінску ў снежні 2024 года, набыла ўласнасць «Белрыбы» — вытворчыя памяшканні на вуліцах Сцебянёва і Радыяльнай. Агульная плошча маёмасці — 24 тысячы квадратных метраў. Сума здзелкі склала 2,9 мільёна долараў — гэта самая дарагая купля ў сферы вытворча-складской нерухомасці за трэці квартал.
Кампаніяй кіруе Людміла Няронская, сяброўка Віктара і Ліліі Лукашэнкаў. За апошнія гады звязаныя з ёй фірмы актыўна пашыраюць уплыў у рыбнай галіне, што, паводле расследавальнікаў, прынамсі часткова тлумачыцца яе сувязямі з найбольш уплывовай сям’ёй краіны.
Няронская плануе адкрыць рыбаперапрацоўчы комплекс у СЭЗ «Мінск», а таксама мае дачыненне да кампаній «Марскія сезоны», «Марскія промыслы» і «БелМарэ Груп». У структуры яе бізнэсу працуюць зяць Аляксандра Лукашэнкі Дзмітрый Дзятлаў і яго ўнук — Аляксандр Лукашэнка-малодшы, які валодае доляй у кампаніі «Сезон упакоўкі».
Што да збанкрутаванай «Белрыбы», то адно з найстарэйшых прадпрыемстваў галіны, заснаванае яшчэ ў 1950‑я гады, на працягу апошняга дзесяцігоддзя працавала са стратамі. Праблемы абвастрыліся ў 2022 годзе, калі завод спрабаваў абвясціць сябе банкрутам. Часткі прадпрыемства некалькі разоў перадавалі розным структурам, але гэта не дапамагло.
У 2024 годзе работнікі пераемніка «Белрыбы» — рыбакансервавага камбіната «Сталічны» — скардзіліся на пяцімесячныя затрымкі заробкаў. Пасля ўмяшання ўладаў грошы выплацілі, але ў 2025 годзе камбінат таксама пачаў працэдуру банкруцтва — патрабаванні крэдытораў перавысілі 1,5 мільёна рублёў.
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні45
Каментары
(І такіх сырых недапрацовак увогуле даволі шмат.)
Сямейства Віці Лукашэнкі не вельмі шыфруецца асабліва ў пытаннях крадзяжу дзяржаўнай зямлі і нерухомасці яшчэ з часоў, калі ў 2014 годзе Дана Холдынгз, у кіраўніцтве якой Лілія Лукашэнка займала высокую пасаду, атрымала ад Лукашэнкі-старэйшага на беспрэцэдэнтна ільготных умовах тэрыторыю старога аэрапорта ў Менску пад камерцыйную забудову і ў дадатак ледзь не афшорныя падаткавыя ўмовы. А як вы думалі - у ААЭ з шэйхамі у VIP-ложах трассы Формулы-1 генерал Віця Лукашэнка тусуецца з жабрацкага ў тры тысячы з гакам баксаў заробку на пасадзе кіраўніка НАК?