Luxvisage адказаў на скаргі расіянак, у якіх нібыта з-за беларускага геля масава выпадаюць бровы
Беларускі касметычны брэнд Luxvisage адрэагаваў на скаргі расіянак, што ў іх пачалі выпадаць бровы з-за выкарыстання папулярнага беларускага геля-фіксатара. Пра гэтыя праблемы расіянак нават паведаміў расійскі тэлеграм-канал Baza, які спецыялізуецца на крымінальнай хроніцы.
Паводле канала Baza, праз 3—4 месяцы выкарыстання геля ад многіх расіянак пасыпаліся скаргі. Яны сцвярджалі, што бровы пачалі радзець, бо валаскі ламаліся і выпадалі пры зняцці макіяжу. Сцвярджалася, што гель, які дзейнічае як клей, вельмі складана змыць нават адмысловымі сродкамі і ён «здзіраецца разам з валасінкамі».
Кампанія Luxvisage апублікавала ў інстаграме адказ, відавочна, рэагуючы на рэзананс у сеціве.
Брэнд назваў гель Brow Laminator сваім «абсалютным бестселерам».
«Калі прадукт сапраўды працуе, гэта заўсёды выклікае эмоцыі. Апошнім часам у сеціве з’явіліся дзіўныя допісы з аднолькавымі фота і тэкстамі. Падобна, мільёны продажаў і тысячы вашых рэальных станоўчых водгукаў камусьці не даюць спакою».
Кампанія дадала: «Мы ганарымся якасцю, стаім за кожным сваім прадуктам і не ўдзельнічаем у канкурэнтных войнах. Мы проста робім тое, што ўмеем лепш за ўсё — ствараем прадукты, якія сапраўды працуюць».
Раней касметыку ад Luxvisage, якая актыўна прадаецца на расійскім рынку, рэкламавала, напрыклад, блогерка Ксенія Сабчак.
-
«А 4‑й гадзіне ночы мы зразумелі, што серверы проста вычышчаныя». Яраслаў Іванюк расказаў падрабязнасці пра атаку на анлайн-бібліятэку «Камунікат»
-
Малады дзед з Кармы захацеў далучыць Сумы да Расіі. Практычны вынік — унучка ў Мазыры убачыць яго толькі на фота
-
Прапанавалі замацаваць заканадаўча абавязак браць удзел у перапісе
Цяпер чытаюць
Адстаўны міністр-карупцыянер прадае рэспектабельны катэдж каля Драздоў. Просіць $2 мільёны6
Каментары