У МЗС заявілі, што Літва закрыла мяжу з Беларуссю, бо хоча грошай ад ЕС
Прэс-сакратар МЗС Беларусі Руслан Варанкоў заявіў, што Літва свядома ўзмацняе напружанне на мяжы з Беларуссю, каб атрымаць фінансаванне з бюджэту Еўрасаюза.
Па словах Варанкова, цяперашняя сітуацыя выглядае як «дэжавю» — бо падобная сітуацыя, маўляў, ужо назіралася раней, калі пасля заяў пра крызісную сітуацыю на польска-беларускай мяжы Польшча атрымала больш за 43 мільярды еўра на абаронныя патрэбы. Цяпер нібыта і Літва пайшла той жа дарогай.
Прадстаўнік МЗС мяркуе, што літоўскія палітыкі спадзяюцца атрымаць «свой фінансавы куш» ад ЕС, выкарыстоўваючы тэму міграцыі і кантрабанды як падставу для павышэння напружанасці. Варанкоў заявіў, што праблема кантрабанды, маўляў, існуе на многіх межах свету, але нават генеральны пракурор Літвы пазбягае фармулёвак пра «гібрыдную атаку» з боку Беларусі — бо нібыта няма доказаў.
Таксама чыноўнік панаракаў, што закрыццё літоўскіх пунктаў пропуску сведчыць, маўляў, пра сапраўднае стаўленне да еўрапейскіх каштоўнасцяў, у тым ліку свабоды перамяшчэння. А падтрымка гэтых дзеянняў з боку Еўрапейскай службы знешніх дзеянняў беларускі рэжым увогуле засмучае.
Цяпер чытаюць
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе7
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю5252
Каментары
🤦🏼♂️