«Яму трэба заканчваць вайну, а не праводзіць выпрабаванні».
Прэзідэнт ЗША Дональд Трамп пракаментаваў нядаўнія заявы Уладзіміра Пуціна аб паспяховым выпрабаванні новай крылатай ракеты з ядзернай устаноўкай «Буравеснік», якая, паводле расійскага боку, праляцела 14 тысяч кіламетраў.
Трамп паставіў пад сумнеў неабходнасць такіх дасягненняў, падкрэсліўшы, што ЗША маюць значныя сродкі стрымлівання.
«Яны ведаюць, што ў нас ёсць атамная падводная лодка — найлепшая ў свеце — прама каля іх берагоў. Так што нам не трэба, каб ракета лётала на 8000 міль», — сказаў Трамп.
Ён дадаў, што лічыць такія заявы Пуціна недарэчнымі і заклікаў яго засяродзіцца на іншым.
«Я не лічу дарэчным, што Пуцін робіць такія заявы. Яму варта было б скончыць вайну, якая павінна была доўжыцца адзін тыдзень, а цяпер набліжаецца ўжо да чацвёртага года. Вось гэтым яму і варта заняцца замест выпрабаванняў ракет», — рэзюмаваў Трамп.
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары