«У нас гэтыя льготы няма чым ільгатаваць». Лукашэнка патлумачыў, чаму не будзе даваць льгот моладзі і сям'ям з адным ці двума дзецьмі
Аляксандр Лукашэнка абрынуўся на чыноўнікаў, што тыя прапануюць льготы моладзі, каб утрымаць людзей у краіне. Лукашэнка, які кіруе краінай больш за 30 гадоў, даводзіць, што грошай у Беларусі няма.
На нарадзе з Аляксандрам Лукашэнкам сёння разглядалі праект указа аб мерах падтрымкі моладзі, які накіраваны на фарміраванне ўмоў для прыцягнення і захавання маладых кадраў на прадпрыемствах, перадае Белта.
Лукашэнка адзначыў, што сродкі дзяржаве патрэбны і на іншыя напрамкі, уключаючы развіццё вытворчай сферы і эканомікі.
«Не буду тут выкладаць усю гэту інфармацыю, скажу толькі зноў непапулярнае, тое, што вы павінны былі сказаць людзям. Мы сёння дапамагаем усім. Усім дапамагаем. Ёсць грошы, няма грошай — усім дапамагаем. <…> Я не да таго, каб не дапамагаць моладзі, але давайце мы нарэшце вызначымся, перастанем заяўляць, што моладзь — наша будучыня, і ёй трэба дапамагчы. Давайце канкрэтна скажам, у чым мы павінны дапамагчы моладзі, і паставім на гэтым кропку», — сказаў ён.
Лукашэнка мяркуе, што моладзь і сама ў стане зарабіць.
«Так я гляджу, пачынаючы ад зарплаты і атрымання жылля, бясплатныя паездкі, раз'езды, аўтамабілі, бензін, газ.
Давайце за кошт дзяржавы дапаможам моладзі. Вы што, з глузду з'ехалі? Дзе мы гэта ўсё возьмем? Малады чалавек, ён што, стары, не можа зарабіць? Мы павінны стварыць умовы, каб моладзь зарабіла. У нашы часы такіх умоў не было», — сказаў Лукашэнка і прывёў прыклад, што ў савецкія часы нельга моладзі было працаваць на двух працах. А цяпер можна.
«Зараз, калі ласка, зарабляй грошы і вырашай свае сямейныя праблемы. Ну, вядома, калі шматдзетная сям'я, як я казаў, трэцяе дзіця — гэта маё. Трэба дапамагаць.
У нас кажуць, ужо лісты мне дасылаюць: давайце дапаможам, як шматдзетным, і за першае дзіця, і за другое. Вы што, з глузду паз’язджалі? Паслухайце, мы не Аб'яднаныя Арабскія Эміраты, дзе аглоблю сунуў у зямлю, нафта пайшла, або Катар, дзе сунуў палку ў пясок — газ.
Нам усё трэба зарабіць рукамі», — сказаў ён.
Лукашэнка прызнаў, што ў краіне праблемы з людзьмі працаздольнага ўзросту.
«У нас жа больш за трэцюю частку пенсіянеры, палова астатніх — дзеці. І нейкая частка ў нас, колькі там, 4 млн ці колькі працуе? Хутка гэтыя 4 млн працуючых на карачкі стануць… Мы ім не зможам заробак нармальны плаціць. Хто будзе працаваць? Адкуль возьмем грошы? Давайце вяртацца да рэалій сённяшняга дня і разумець, чаго гэта каштуе», — сказаў Лукашэнка, які больш за 30 гадоў кіруе краінай.
«У нас гэтыя льготы няма чым ільгатаваць», — рэзюмаваў Лукашэнка.
-
Ніводнага мінскага, гомельскага, італьянскага ці французскага. Затое ў Магілёве будуюць ужо чацвёрты расійскі дворык, гэтым разам — з мядзведзем
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі63
Каментары
(поставил точку, т.к. не уверен, что это шутка)