«Глупства поўнае», — адрэагаваў Лукашэнка на зададзенае яму пытанне аб рашэнні Нобелеўскага камітэта не прысуджаць прэмію Трампу, назваўшы яго блізарукім.
«Трамп заслужыў гэту Нобелеўскую прэмію. Яму трэба было аддувацца па ўсіх прычынах, асабліва па тых прычынах, па якіх апошні час Нобелеўская прэмія прысуджалася наогул абы каму. Ну, успомніце, справа якая прайшла, прэзідэнта ЗША адпаведнага, які наогул нічога не зрабіў, стаў прэзідэнтам, атрымаў гэтую прэмію. А Трамп нямала зрабіў для міру.
Яны вельмі дрэнную паслугу аказалі самаму мірнаму працэсу ва ўсіх пунктах. Ну, Трамп можа пакрыўдзіцца. Ну, вось я кажу, што Нобелеўскі камітэт, ён не міру прэмію прысудзіў, а прысудзіў прэмію тым, хто не зацікаўлены ў міры», — сказаў Лукашэнка.
У тое ж, што прэмію сёлета атрымала лідарка венесуэльскай апазіцыі Марыя Карына Мачада, ён заглыбляцца не стаў:
«Я не ведаю гэтую венесуэльскую, венесуэльскага гэтага чалавека не ведаю і гаварыць не хачу. Але абсалютна перакананы, што з усіх пазіцый і асабліва на перспектыву, каб Трампа прывязаць гэтай Нобелеўскай прэміяй да працэсу мірнага, трэба было яму даваць гэтую прэмію. Блізарукае рашэнне. Наогул незразумела, якое рашэнне. Ну, гэта так, экспромтам».
Лукашэнка зрабіў сваю заўвагу ў Душанбэ, дзе знаходзіўся на саміце лідараў краін СНД.
«Ставяць палітыку вышэй за мір». У Белым доме пракаментавалі рашэнне Нобелеўскага камітэта даць прэмію не Трампу
Ціханоўская павіншавала Марыю Карыну Мачада з Нобелеўскай прэміяй міру
Нобелеўскую прэмію міру атрымала лідарка венесуэльскай апазіцыі Марыя Карына Мачада
«Людзей прымушалі думаць, што нічога ніколі не зменіцца». Хто такі антыкамуніст Ласла Краснагаркаі, які атрымаў Нобелеўскую прэмію па літаратуры?
Цяпер чытаюць
Што вядома пра Максіма Палянскага і Мікалая Свірыдава — беларускіх альпіністаў, якія зніклі ў гарах Кыргызстана3
Каментары