Нобелеўскую прэмію міру атрымала лідарка венесуэльскай апазіцыі Марыя Карына Мачада
Яна праціўніца дыктатара Мадура, была кандыдаткай у прэзідэнты, якой не дазволілі балатавацца.
Нарвежскі Нобелеўскі камітэт адзначыў Мачада «за яе нястомную працу дзеля рэалізацыі дэмакратычных правоў народа Венесуэлы і за яе барацьбу за справядлівы і мірны пераход ад дыктатуры да дэмакратыі».
Марыя Карына Мачада нарадзілася ў 1967 годзе. Яе прадзедам быў Эдуарда Бланка — венесуэльскі палітык і пісьменнік, забіты падчас паўстання супраць венесуэльскага дыктатара Хуана Вісэнтэ Гомеса. Скончыла ўніверсітэт па спецыяльнасці «прамысловае машынабудаванне», мае ступень магістра ў галіне фінансаў Інстытута перспектыўных даследаванняў у галіне кіравання ў Каракасе.
У 1992 годзе Мачада заснавала дабрачынны фонд «Атэнеа», сродкі якога былі накіраваныя на дапамогу дзецям-сіротам і бяздомным дзецям Каракаса.
Была дэпутатам Нацыянальнай асамблеі Венесуэлы (2011—2014), была заснавальніцай дабрачыннай арганізацыі Súmate. Спрабавала балатавацца ў прэзідэнты Венесуэлы на выбарах 2012 года, аднак не выйграла апазіцыйныя праймерыз.
Мачада была адной з вядучых фігур падчас венесуэльскіх пратэстаў 2014 года супраць урада Нікаласа Мадура.
Яе не зарэгістравалі кандыдатам на мінулых прэзідэнцкіх выбарах у 2024 годзе, таму прадстаўніком ад аб'яднанай апазіцыі стаў Эдмунда Гансалес. Яны ўдваіх бралі ўдзел у мітынгах.
Марыя Карына Мачадэ зараз знаходзіцца ў Венесуэле, ёй забаронены выезд з краіны.
***
У мінулым годзе нобелеўскую прэмію міру атрымала японская арганізацыя «Ніхон Хіаднкё» за «намаганні па дасягненні міру, свабоднага ад ядзернай зброі», у 2022 годзе — Алесь Бяляцкі.
Учора быў названы нобелеўскі лаўрэат па літаратуры. Ім стаў венгерскі пісьменнік Ласла Краснахаркаі.
Завершыцца нобелеўскі тыдзень у панядзелак абвяшчэннем лаўрэата па эканоміцы.
Уручэнне прэмій пройдзе ў снежні.
Нобелеўскім лаўрэатам па літаратуры стаў Ласла Краснагаркаі
«Людзей прымушалі думаць, што нічога ніколі не зменіцца». Хто такі антыкамуніст Ласла Краснагаркаі, які атрымаў Нобелеўскую прэмію па літаратуры?
Названыя нобелеўскія лаўрэаты па хіміі
Што гэта за загадкавы квантавы тунэль, за які сёння далі Нобеля?
«Падумаў, што недзе побач мядзведзь». Нобелеўскаму лаўрэату ў лічбавым дэтоксе ўсё ж паведамілі пра ўзнагароду
Цяпер чытаюць
23‑гадовы ахоўнік з Астраўца загінуў за Расію на вайне. Паваяваў ён, відаць, каля месяца16
Каментары