У мінскім парку з'явіліся незвычайныя скульптуры з дрэва і металу ФОТЫ
Новыя зоны адпачынку з'яўляюцца ў Мінску рэгулярна. Адзін з апошніх набыткаў сталіцы — змены ў Антонаўскім парку. Гэта зона адпачынку размяшчаецца паміж пасёлкам велазавода і Трактаразаводскім пасёлкам, піша «Анлайнер».
Свой кавалачак Сляпянскай воднай сістэмы, дарослыя дрэвы, дарожкі ўздоўж вады. Месца прыемнае і ціхае. А з нядаўніх часоў яшчэ і даволі незвычайнае: парк не толькі акультурылі, але і ўпрыгожылі скульптурамі. Вельмі яркімі і своеасаблівымі.
Раней пальму першынства ў катэгорыі незвычайнасці трымалі фігуры, устаноўленыя на Мухлі. Цяпер у іх з'явіліся гратэскныя сябры з металу і дрэва ў Ленінскім раёне.
Змяняць парк пачалі яшчэ ў мінулым годзе. Праца была праведзена велізарная, бо ні дыхтоўных тратуараў, ні сучасных лавачак тут і блізка не было. Вось як апісвае маштабы праведзенага агенцтва «Мінск-Навіны»:
«Работнікі «Зелянбуда Ленінскага раёна» прасунуліся ўглыб прыкладна напалову. Прыбралі лішнюю расліннасць, пашырылі з 2,5 да 3 м дарожку, нанеслі на яе пакрыццё з асфальтагрануляту з даданнем гранітнай крошкі і паклалі новыя бардзюры.
Паставілі 15 новых лавачак. Уладкавалі некалькі лакацый для дзяцей, у тым ліку вяровачны гарадок з сімпатычнымі драўлянымі канструкцыямі і з сярэднявечным міні-замкам, а таксама спартыўную зону з антывандальнымі трэнажорамі, турнікамі, брусамі. Іх калегі з ЖКГ збудавалі агароджаную пляцоўку для выгулу сабак».
Улетку гэтага года зелянбудаўцы займаліся ўжо пераважна расліннасцю: дрэвы трэба было абследаваць, абрэзаць, лішняе высечы. Урэшце прыступілі да «дэкаравання». Так у парку і пасяліліся незвычайныя героі.
Галоўны персанаж — Карлсан, які трымаецца за стойку старадаўняй свяцільні, абсталяванай сонечнай батарэяй. Кожны ахвотны можа пакруціць прапелер казачнага героя. Крыху наводдаль размясціўся жалезны «Вадалаз», які ахоўвае асвятляльную мачту, што таксама сілкуецца сонечнай энергіяй. Паміж імі ўладкаваліся «Рыба» і «Матылёк».
Увагу прыцягвае і драўляная скульптура «Мысляр» — яе, як і стойку з кармушкамі для птушак, выразалі майстры «Зелянбуда Ленінскага раёна».
«Гэта лакацыя ўжо стала фотазонай, як і было задумана, — заўважае дырэктар «Зелянбуда Ленінскага раёна» Аляксандр Васілеўскі.
У парку таксама можна знайсці валейбольную пляцоўку і варкаўт-зону з трэнажорамі пад навесам.
Забудоўшчык распавёў, што пабудуюць у «Паўночным беразе» ў найбліжэйшыя гады
На тэрыторыі Мотавелазавода ствараюць новы квартал з кавярнямі і крамамі. Што там
«Мяне часам заносіць у ідэях». Мінчукі купілі ўчастак на беразе Вячы і пабудавалі дом сваёй мары
У мінскіх парках з'явяцца некалькі новых атракцыёнаў
Мінскія ўлады расказалі, дзе абсталююць пляцоўкі для пляжнага валейбола і футбола
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома12
Каментары