Урад Узбекістана плануе да канца кастрычніка скараціць больш за 2000 чыноўнікаў у сувязі з увядзеннем сістэм штучнага інтэлекту ў дзяржаўныя органы. Адпаведны ўказ падпісаў прэзідэнт краіны Шаўкат Мірзіёеў, ён называецца «Аб мерах па аптымізацыі колькасці кіруючых штатных адзінак праз шырокае ўкараненне лічбавізацыі ў дзейнасць рэспубліканскіх выканаўчых органаў улады».
Усяго будзе ліквідаваная 2141 штатная адзінка. Найбольш скарачэнняў чакае Падатковы камітэт — 498 адзінак. Міністэрства воднай гаспадаркі страціць 224 пазіцыі, Міністэрства сельскай гаспадаркі — 200, Міністэрства юстыцыі — 197. У Міністэрстве экалогіі, аховы навакольнага асяроддзя і змянення клімату пад скарачэнне трапляюць 176 пазіцый, у Міністэрстве занятасці і барацьбы з беднасцю — 163.
Акрамя таго, амаль удвая скарачаецца колькасць намеснікаў кіраўнікоў: з 11 да 7 у камітэтах, з 12 да 6 у агенцтвах і з 13 да 7 у інспекцыях.
Міністэрству занятасці і Федэрацыі прафсаюзаў Узбекістана даручана дапамагаць скарочаным супрацоўнікам з працаўладкаваннем.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна14
Каментары
На скотном дворе лукашенко сделана ставка на чиновников и красауцау, поэтому запретят ИИ, но не чиновников и красауцау.
Иначе, фундамент скотного двора разрушится