Колькі сёлета трацілі на вяселлі ў Беларусі? Сабралі рэальныя лічбы тых, хто пабываў у ЗАГСе

Найбольш сціплым каштарысам падзялілася ў тыктоку дзяўчына, падпісаная як Dianissia. Ёй з мужам вяселле абышлося ў 3774 рублі. За стандартную цырымонію ў ЗАГСе яны заплацілі 126 рублёў (фуршэт там пацягнуў яшчэ ў 120 рублёў), за заручальныя пярсцёнкі — 1750 рублёў. Вобразы жаніха і нявесты каштавалі 332 і 516 рублёў. Фатограф узяў усяго 250 рублёў. За рэстаран для маладажонаў і іх бацькоў аддалі 680 рублёў.

Павялічыць

Тыктокерка Настасся з Брэста пабралася шлюбам каля тыдня таму. Усіх падрадчыкаў яна браніравала яшчэ год таму — адразу, як яе малады чалавек зрабіў прапанову рукі і сэрца. Кажа, што дзякуючы гэтаму атрымалася сэканоміць, бо кожны сезон усе падымаюць цэны.

— Мы адразу паставілі для сябе рамкі, за якія мы ні ў якім разе не будзем выходзіць. На той момант нашай столлю была сума $7000. Але мы нават не хацелі набліжацца да гэтай сумы, хацелі зрабіць усё танней.

Але Настасся прызнаецца, калі яны падлічылі ўсе свае выдаткі на вяселле, дык пабачылі, што перавысілі свой ліміт — атрымалася $7500. Кажа, што ні аб чым не шкадуе і што трымалася сапраўды вяселле мары. Гасцей было 57.

У каментарыі прыйшла яшчэ адна вераснёўская нявеста з Брэста: «У нас было вяселле два тыдні таму. Аддалі $14 тысяч, было 55 чалавек. Думалі ўкласціся ў $8 тысяч, але не атрымалася».

@nastyavas99 Рассказываю, во сколько нам обошлась свадьба в 2025 году в Бресте ‍♀️ #свадьба #брест #невеста #подготовкаксвадьбе #беларусь ♬ original sound - Jo3y

Таццяна з Мінска патраціла таксама каля $7500 (было 25 чалавек). Вобраз нявесты каштаваў $860 (з улікам арэнднай сукенкі за $650), а жаніха — каля 330.

Арэнда сядзібы абышлася ў $1100, дэкор — у $670, кейтэрынг — $1600. Вядучы атрымаў $750, фатограф — $450, рылсмэйкер — $62. Вясельны торт пацягнуў $130.

Павялічыць

Яшчэ адна дзяўчына з Мінска пабралася шлюбам у жніўні. Яна раіць тым, хто толькі плануе вяселле, арыентавацца хаця б на $5000.

Сама нявеста лічыць сваё вяселле бюджэтным — на свята для 30 чалавек выдаткавалі $4800.

— Вобраз жаніха збіралі на «Вайлдбэрыз» і ў «Спортмайстару». Разам выйшла 759 рублёў. Вобраз нявесты — сукенка, туфлі, зменныя басаножкі (каб ногі на абцасах не стаміліся), сумачка — 1265 рублёў.

Букет каштаваў 150 рублёў, бутаньерку да яго далі ў падарунак.

Пара аплачвала пастаноўку вясельнага танцу — аддалі 410 рублёў.

Пярсцёнкі, адзін з якіх рабілі на замову, каштавалі каля 2890 рублёў. Фатограф узяў $140:

— Якасць фота адметныя, фатограф проста супер. Я лічу, ён вельмі танна ўзяў за сваю працу.

Ганарар вядучага і дыджэя склаў $300.

За арэнду банкетнай залі ў Ждановічах пара не плаціла, бо ў рэстарана не было такой паслугі. У выніку жаніх і нявеста проста зрабілі па меню замову ежы на неабходную суму. Якасцю ежы і абслугоўвання дзяўчына таксама цалкам задаволеная.

Торт рабіла сястра нявесты — маладзёны далі ёй 150 рублёў за працу, а неабходныя прадукты аплаціла хросная нявесты.

— Так торт бы выйшаў нам недзе 850 рублёў.

Загадзя набывалі атрыбуты для конкурсаў і невялікія падарункі гасцям — гэта пацягнула 477 рублёў.

Каб адпачыць пасля вяселля, муж жонка браніравалі для сябе на тры дні домік за Мінскам. Атрымалася 1084 рублі за арэнду.

@kris.to.fer долго или дёшево - решит каждый сам для себя. Я не пожалела ни разу потраченных денег. в субтитрах ошибка, изменить не могу уже: стол обошелся в 3900р. Свадьбу мы организовывали сами, по большей части я , не было координаторов, организаторов и прочего... Если есть вопросы пишите, отвечу #свадьба #сколькостоитсвадьба #CapCut #цены #свадьбаминск ♬ оригинальный звук - Крис

Аліна таксама святкавала вяселле ў Мінску — свята абышлося ў $11 тысяч.

Пражыванне і зборы ў гатэлі каштавалі $250. Вобраз нявесты — $750, жаніха — $370. За пярсцёнкі аддалі $1300. Арэнда пляцоўкі, фуршэт і банкет пацягнулі $4800, дэкор — $450.

Падрадчыкі за свае паслугі ўзялі агулам $2240. Модны торт з ягадамі абышоўся ў $300.

@alinahires Сколько реально стоила наша свадьба? Спойлер: ~11000$ тысяч - и это было шикарно! Сохраняй, если тоже готовишься к дню х ✨ #свадьба #свадьбы #свадьбамечты #свадьбаминск ♬ suono originale - swami

Сваім досведам падзялілася арганізатарка вяселляў у Мінску Яўгенія Доўгая. Яна распавяла, што ў сярэднім яе заказчыкі сёлета трацілі на вяселле каля $12 тысяч (гэта сума пры ўмове, што гасцей 50 чалавек).

Напачатку сезона жанчына агучвала і максімальны каштарыс — $25 тысяч. Сюды ўваходзілі ажно некалькі фатографаў, рылсмэйкер, відэамантажор і нават два відэааператары з квадракоптарамі, якія маюць дазвол на палёты.

Таксама ў гэты кошт уваходзілі два вядучыя, адзін з якіх нейкі топавы з Масквы (такі бярэ ажно $4000). На меню закладвалася $5000 і $7000 на дэкор. Ну а танчылі б госці пад кавербэнд.

Але Яўгенія ўдакладніла, што пры жаданні, канечне, можна зрабіць і больш дорага.

@len.ok.blog Ответ пользователю @user73138155704238 вот здесь про стоимость свадьбы @# @Елена Долгая организатор #сколькостоитсвадьба #свадьбаминск #организаторминск #организаторсвадеб ♬ оригинальный звук - tgk nikollashess

Імаверна, сапраўды былі і больш дарагія вяселлі. Так у акаўнце вясельнай пляцоўцы Royal_hall з’явілася відэа з банкету, дзе жаніх зрабіў сюрпрыз нявесце, і ў нейкі момант замест кавербэнда на сцэне з’явіўся папулярны расійскі гурт The Hatters.

@royal_hall До мурашек!!!! До конца Свадебный организатор @Александра Плескач #thehatters #royalhall_by #свадебныйсюрприз #реакцияневесты #свадьба2025 #свадьбаминск #свадьбамечты #сюрприз #wowmoment ♬ оригинальный звук - Royal_Hall

• 0
• 1
• 1
• 3
• 1
• 0
• 0
• 0