Bild: Вучэнні «Захад-2025» заканчваюцца. Зараз у Пуціна тры варыянты, і два з іх — адправіць войскі ў бой
Расійска-беларускія вайсковыя вучэнні заканчваюцца ў аўторак. У Еўропе баяцца, што сабраныя туды 30 тысяч вайскоўцаў могуць напасці на адну з краін NATO — гэтак жа, як Уладзімір Пуцін неўзабаве пасля вучэнняў «Захад — 2021» напаў на Украіну.
Але на гэты раз NATO ясна дае зразумець, што мае на ўвазе магчымасць такога сцэнару — у краінах Балтыі праведзены вучэнні Quadriga, у якіх адпрацоўваецца абарона ўсходніх межаў альянсу. Акрамя таго, Польшча, Германія і іншыя краіны актыўна інвестуюць у свае ўзброеныя сілы. Нямецкія палітыкі набралі гіганцкія даўгі (да 1 трлн еўра) на ўзбраенне і інфраструктуру, у ЕС будуюцца новыя ваенныя заводы.
Перад Пуціным, на думку палітычнага аглядальніка Bild Петэра Цідэ, цяпер тры варыянты:
— Войскі застануцца на месцы ў якасці пагрозы Захаду
— Войскі проста з вучэнняў уварвуцца ва Украіну з тэрыторыі Беларусі
— Пакуль уся ўвага сканцэнтравана на войсках у Беларусі, напасці ў іншым месцы.
Ясна адно, — піша Цідэ, — Пуцін дэманструе сілу, у той час як краіны NATO пакуль не гатовыя. Сведчанне таму — нядаўняя атака дронаў на Польшчу: з 25 танных БПЛА збілі толькі тры, прычым ліквідацыя кожнага з іх каштавала па 400 тысяч еўра.
Гэта стральба з гармат па вераб'ях, а еўрапейцы выглядаюць як 35-гадовае дзіця, якое з'язджае ад бацькоў і сутыкаецца раптам з дарослымі праблемамі, рэзюмуе аглядальнік Bild.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары
к концу всей операции эти розовые пони только успеют друг с другом созвониться "для консультаций". и больше ничего.
я вообще не удивлюсь, что цель всей "движухи" именно это.