Літоўская партыя выключыла са сваіх шэрагаў дэпутата, які заклікаў прагнаць з Літвы Офіс Ціханоўскай
У пятніцу партыя «Нацыянальнае аб’яднанне» афіцыйна абвясціла пра прынятае рашэнне выключыць дэпутата Сейма Вітаўтаса Сініцу са сваіх шэрагаў, паведамляе LRT.
Вітаўтас Сініца быў намеснікам старшыні партыі «Нацыянальнае аб’яднанне». Ён заставаўся адзіным прадстаўніком партыі ў Сейме, атрымаўшы мандат у аднамандатнай акрузе.
Як указваецца ў заяве партыі, Сініца быў выключаны за тое, што неаднаразова арганізоўваў пасяджэнні сябраў рады без кворуму і прымаў на іх рашэнні. Партыя таксама ўзгадвае і іншыя парушэнні, дапушчаныя ім.
Сам палітык заявіў, што гэта рашэнне з'яўляецца несапраўдным і юрыдычна нікчэмным.
«Група, якая мае большасць у праўленні (Нацыянальнага аб’яднання), я веру, сапраўды прыняла такое рашэнне. Але яно нікчэмнае і несапраўднае, паколькі, згодна са статутам, праўленне не мае права выключаць сябраў партыі без заключэння Камісіі па этыцы», — заявіў В. Сініца агенцтву ELTA у пятніцу.
Раней Сініца скардзіўся ў пракуратуру на Сяргея Ціханоўскага, а таксама заклікаў ануляваць у Вільні акрэдытацыю Офіса Святланы Ціханоўскай.
Таксама ў мінулую пятніцу ён арганізаваў у Вільні акцыю супраць Офіса Святланы Ціханоўскай.
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза14
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары