ЗША, Украіна і еўрапейскія саюзнікі плануюць сустрэцца ў Вялікабрытаніі перад самітам Трампа і Пуціна
Высокапастаўленыя чыноўнікі з ЗША, Украіны і некалькіх еўрапейскіх краін збіраюцца сустрэцца на гэтых выходных у Вялікабрытаніі, каб паспрабаваць узгадніць пазіцыі перад сустрэчай Дональда Трампа і Уладзіміра Пуціна, паведамляе выданне Axios са спасылкай на тры інфармаваныя крыніцы.
Украіна і некалькі саюзнікаў па НАТА занепакоены тым, што Трамп можа пагадзіцца на прапанову Пуціна аб спыненні вайны і абмене тэрыторыямі з Кіевам без уліку іх пазіцыі, тлумачыць выданне.
Пра тое, што Пуцін падчас сустрэчы са спецпасланнікам Трампа Сцівам Уіткафам 6 жніўня даў зразумець, што гатовы пайсці на перамір’е ўзамен на тэрытарыяльныя ўступкі, раней паведамляла Wall Street Journal са спасылкай на ўкраінскія і еўрапейскія крыніцы.
Пазней Трамп казаў, што на парадку яго будучай сустрэчы з Пуціным — абмеркаванне «абмену тэрыторыямі» паміж Расіяй і Украінай.
Сустрэча прэзідэнтаў ЗША і Расіі адбудзецца 15 жніўня на Алясцы, дату і месца пацвердзілі абодва бакі.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам7
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў66
Каментары