Ціханоўскі расказаў, што адбывалася на Валадарцы 9 жніўня 2020 года
« Я думаў, што ўсё, зараз уварвуцца нас вызваляць», — згадаў ён у эфіры «Белсата».
9 жніўня 2020 года Сяргей Ціханоўскі знаходзіўся ў СІЗА на Валадарскага.
«Памятаю, у 9 вечара быў адбой. І трохі пазней, бліжэй да 11-ці [сталі чутны] крыкі нейкія, узрывы. Людзі за дзвярыма. Міліцыянеры. Чуў іх размовы. Ім выдалі зброю. То-бок, чалавек стаяў з пісталетам каля маёй камеры. Не ведаю, супала так ці не, што ён каля маёй камеры стаяў. Яны былі вельмі напужаныя», —
згадаў Сяргей Ціханоўскі падзеі пяцігадовай даўніны ў эфіры тэлеканала «Белсат».
Па словах былога палітвязня, у той вечар ён чуў размову канваіраў, якая дала яму надзею на вызваленне:
«Дзяўчына-канваір пыталася: «А што здарылася?» Гавораць: «Прарвалі». «А што прарвалі? Дзе прарвалі?». «Усюды». Я думаў, што ўсё, зараз уварвуцца нас вызваляць».
Ціханоўскі адзначае, што прыкладна да гадзіны ночы «ўсё цалкам супакоілася» і канваірам па рацыі сказалі здаць пісталеты.
Пра выезд жонкі, па словах Сяргея, ён даведаўся ад сваіх адвакатаў.
«Мне расказалі, што і як адбылося. Што Святлана пайшла падаваць скаргу ў ЦВК разам з адвакатам, па-мойму, з [Максімам] Знакам. І ўсё. Яна з гэтага ЦВК ужо не вярнулася. Яе чакалі журналісты. З іншага ўваходу [яе] некуды выкінулі і ўсё».
Што тычыцца Андрэя Паўлючэнкі, які перадаў грошы Святлане, то Ціханоўскі згадвае, што прыняў яго за сумнавядомага палкоўніка Дзмітрыя Паўлічэнку:
«Я Лукашэнку ў СІЗА КДБ кажу: «І вы што, гэтую поскудзь Паўлічэнка адправілі да маёй жонкі?» А Лукашэнка, ведаеце, што сказаў? «Не, гэта іншы». Ён таксама разумее, пра што гаворка…»
Чаго чакае Польшча ад Мінска і ці закрые зноў мяжу на гэтым тыдні?26
Каментары
І на Плошчы 2010 быў, там быў, дзе Некляеў. Але, потым у Крым - норм, бо не цікавіўся. Дзіўна неяк