«Я хачу яму іх у твар кінуць». Сяргей Ціханоўскі паведаміў, што Святлана казала пра грошы ад Лукашэнкі
Сяргей Ціханоўскі ў эфіры тэлеканала «Белсат» адказаў на пытанні адносна грошай, якія ўлады Беларусі далі ягонай жонцы Святлане перад тым, як вывезці яе з Беларусі. Упершыню пра гэтыя грошы ў 2020 годзе казаў сам Аляксандр Лукашэнка.
«Я так зразумеў, што для яе гэта сур’ёзная траўма ўсё, што адбылося ў той дзень. Яна са мной нават пра гэта не гаварыла. Але я спытаў у яе, Лукашэнка мне казаў пра грошы нейкія. Я ў першыя дні адразу задаў ёй гэтае пытанне: а чаму ты іх не траціш? Яна сказала: «Я хачу прыехаць, вярнуцца і ў твар яму гэтыя грошы кінуць», — перадаў Сяргей Ціханоўскі словы сваёй жонкі.
Ціханоўскі адзначыў, што перадача грошай Святлане Ціханоўскай паводле беларускага заканадаўства мае расцэньвацца як фінансаванне «экстрэмісцкай дзейнасці», але ніхто ў Беларусі гэтага не расследуе, хоць людзей за самыя дробныя данаты судзяць.
Ціханоўскі назваў таксама смешнымі заявы пра тое, што Павел Латушка нібыта хацеў падпаліць будынак з дэмакратычнымі сіламі. На яго думку, палітыка проста прызначылі «казлом адпушчэння».
Ціханоўская: Ніякіх грошай я не прасіла, мне проста ўсунулі гэты канверт. Яго да сёння не распячатвала
«Быў проста валанцёрам». Што вядома пра начальніка аховы штаба Бабарыкі, якога паказалі па АНТ
На АНТ заявілі, што Латушка ў канцы ліпеня 2020 нібыта хацеў спаліць штаб Ціханоўскай. Латушка адказаў на гэта
Што вядома пра Паўлючэнку, які ў 2020 годзе перадаў Ціханоўскай скрутак з грашыма і суправадзіў да мяжы?
Ён быў як жывы шчыт. Марыя Мароз расказала, чаму яны з Ціханоўскай патрабавалі, каб з імі да мяжы ехаў кіраўнік ААЦ Паўлючэнка
Агент КДБ, чыё імя было на канверце для Ціханоўскай, мае пашпарт прыкрыцця і катаўся за мяжу
На Шры-Ланцы ў 37 гадоў памёр беларускі кінапрадзюсар Андрэй Маталыга4
Каментары