Знакамітыя крэйдавыя кар’еры, вядомыя пад умоўнай назвай «Беларускія Мальдывы» пад Ваўкавыскам могуць атрымаць статус помніка прыроды. Пра гэта БелТА расказаў загадчык сектара запаведнай справы НПЦ НАН Беларусі па біярэсурсах Уладзімір Усцін.
Падрыхтоўкай навуковага і навукова-тэхнічнага абгрунтавання аб наданні статусу геалагічнага помніка прыроды мясцовага значэння крэйдавым кар’ерам у Ваўкавыску пад назвай «Краснасельскія Мальдывы» займаўся калектыў сектара запаведнай справы Навукова-практычнага цэнтра НАН Беларусі па біярэсурсах. На падставе гэтага абгрунтавання далей будзе прымацца рашэнне аб устанаўленні гэтага статусу.
Паводле слоў Уладзіміра Усціна, для прыняцця такога рашэння ёсць некалькі прычын.
«Першая — ініцыятыва землекарыстальніка. Гэта, у тым ліку, «ААТ Краснасельскбудматэрыялы», які эксплуатаваў крэйдавыя кар’еры, то бок ажыццяўляў здабычу, а таксама мясцовыя органы ўлады. Ёсць асноўная задача — захаваць комплекс для наступнага навуковага вывучэння. У нас ёсць шэраг навуковых публікацый. Навукоўцы, біёлагі, батанікі, заолагі даследуюць, як адбываецца першасная сукцэсія на гэтых тэрыторыях (змена адной біялагічнай суполкі іншай у выніку ўздзеяння чалавека). Гэта адзін са спосабаў аднаўлення экасістэм і даволі важны аспект.
Другая прычына — турыстычная. Калі кар’еры будуць помнікам прыроды, гэта дасць магчымасць умерана выкарыстоўваць гэтыя тэрыторыі як для экалагічнага, так і для іншых відаў турызму. Пры гэтым неабходны рацыянальны падыход: трэба будзе вылучыць участкі, пэўныя зоны, дзе можна арганізаваць дадатковыя аглядныя пляцоўкі, размясціць палаткі для кемпінгу, — патлумачыў прадстаўнік НАН.
-
«Беларусь — найлепшая краіна. Але трэба падрыхтавацца». Мужчына чысціў тэлефон, але яго з сям'ёй усё роўна затрымалі на мяжы
-
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні
-
Таксістам загадалі тэрмінова зняць усю рэкламу казіно і букмекераў з бартоў машын
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні13
Каментары
Які сорам. Яны і ў афіцыйнай назве помніка жадаюць замацаваць гэты неа-тапонім з правінцыйнымі комплексамі. Знайдзіце адэкватную мясцовую назву, не шукайце псеўда мальдывы, швейцарыі, версалі і г.д.