Ціханоўскі: У культуры асаблівы ўклад прыўнесці не магу, крыху не мая тэма
У апошні дзень фэсту Tutaka, які праходзіць на Беласточчыне, прайшла сустрэча з вызваленым палітвязнем Сяргеем Ціханоўскім. Самыя вострыя пытанні тычыліся мовы, піша Reform.news.
Украінская глядачка спыталася пра ролю беларускай культуры ў развіцці беларускай ідэнтычнасці.
«Гэтак як і мова, культура — частка нацыі, — сказаў спадар Сяргей. — Без культуры не будзе і беларусаў. Безумоўна, гэта важнейшы момант. Я асаблівы ўклад прыўнесці не магу, крыху не мая тэма. Так, я запісваю песні і кліпы здымаю, і ў планах гэта ёсць».
У той жа час Ціханоўскі згадаў, што ў якасці арт-дырэктара ладзіў у Беларусі канцэрты Лявона Вольскага, пра што нагадаў і самому музыку, які падчас фэсту падышоў да яго знаёміцца.
Закрануў Сяргей Ціханоўскі і пытанне рэабілітацыі палітвязняў пасля выхаду іх на волю. Ён мяркуе, што гэтым людзям не хапае ўвагі і падтрымкі. Паводле яго, было б добра, каб побач з такімі людзьмі заўсёды былі валанцёры, бо часта бывае, што ў першыя месяцы ім дапамагаюць, а потым яны застаюцца сам-насам са сваімі праблемамі.
Сам Ціханоўскі прызнаўся, што нават ён адчувае недахоп увагі, а некаторыя з тых, хто вызваліўся разам з ім, кажуць, што адчуваюць сябе непатрэбнымі. І нават калі ім аплачваюць медыцыну, гэтага недастаткова — важней за ўсё чалавечая цеплыня і падтрымка.
Калі яны выходзілі на волю, спадзяваліся на нейкія змены, і нават калі нічога не адбылося, вельмі важна адчуваць, што побач ёсць людзі, якія разумеюць і падтрымліваюць.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары