Германія абвінаваціла Кітай у лазернай атацы на свой самалёт, які ўдзельнічае ў марской аперацыі Еўрасаюза ASPIDES у Чырвоным моры. У сувязі з гэтым Міністэрства замежных спраў Германіі выклікала кітайскага пасла для тлумачэння сітуацыі, піша «Еўрапейская праўда».
Паводле заявы нямецкага МЗС, кітайскія вайскоўцы выкарысталі лазер супраць нямецкага паветранага судна, калі яно выконвала задачы ў рамках місіі, якая скіраваная на супрацьдзеянне ўзброеным групоўкам еменскіх хусітаў.
У МЗС падкрэслілі, што стварэнне пагрозы жыццю нямецкага персаналу і перашкоды для выканання місіі з’яўляюцца непрымальнымі.
Якія менавіта кітайскія сілы знаходзіліся ў тым раёне, не ўдакладняецца.
Місія ASPIDES — гэта вайсковая ініцыятыва ЕС па гарантаванні бяспекі суднаходства ў Чырвоным моры, Персідскім заліве і Індыйскім акіяне.
Раней генеральны сакратар НАТА Марк Рутэ выказваў меркаванне, што Кітай можа спрабаваць адцягнуць увагу НАТА праз дзеянні Расіі, рыхтуючыся да магчымай аперацыі па захопе Тайваня. Таксама з’яўлялася інфармацыя, што кіраўнік МЗС Кітая паведаміў кіраўніцы еўрапейскай дыпламатыі Каі Калас, што Пекін не прыме паражэння Расіі ў вайне супраць Украіны.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары