У Мінску 48-гадовы п'яны мужчына напаў на дзвюх маладых жанчын проста ў краме. Адна з іх атрымала цялесныя пашкоджанні, другая — удар сметніцай па галаве.
8 чэрвеня ў адным з мінскіх магазінаў п’яны мужчына, пасварыўся з незнаёмай дзяўчынай каля касы. Ён моцна штурхануў яе, яна ўпала і атрымала траўмы.
На абарону пацярпелай кінулася яе сяброўка, якая перакрыла агрэсару выхад.
Тады мужчына схапіў металічную сметніцу і ўдарыў ёю дзяўчыну па галаве, а потым ударыў у твар і ўцёк з месца здарэння.
Падчас допыту нападнік не здолеў патлумачыць свой учынак, спасылаючыся на алкагольнае ап’яненне.
СК завёў крымінальную справу паводле ч. 3 арт. 339 КК — за асабліва злоснае хуліганства.
Цяпер чытаюць
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні21
Каментары