У Польшчы расказалі, як будзе з 7 ліпеня праходзіць кантроль на мяжы з Літвой
Памежная служба Польшчы будзе выбарачна правяраць аўтамабілі, якія перасякаюць польска-літоўскую мяжу.
Улады абяцаюць зрабіць памежны кантроль, які ўводзіцца з 7 ліпеня для прадухілення нелегальнай міграцыі, «як мага менш цяжкім», піша Most.
— Мы будзем выбіраць для кантролю транспартныя сродкі, якімі могуць перавозіць нелегальных мігрантаў з літоўскага і латвійскага кірункаў, — заявіў падпалкоўнік Анджэй Стасюлевіч з Падляскага аддзела памежнай службы.
Плануецца, што на польска-літоўскай мяжы будзе 13 пунктаў кантролю. Пасты на аўтамабільных трасах у Будзіску і Агродніках, а таксама на чыгуначнай станцыі ў Трокішках будуць дзейнічаць кругласутачна.
Часовыя пасты могуць з'явіцца на дзесяці мясцовых дарогах, якімі карыстаюцца жыхары памежжа і фермеры, якія апрацоўваюць палі па абодва бакі мяжы.
Акрамя памежнікаў кантроль будуць ажыццяўляць паліцыя, войскі тэрытарыяльнай абароны, транспартная інспекцыя і мытня.
Згодна з распараджэннем Урада, часовы памежны кантроль на польска-літоўскай мяжы будзе дзейнічаць з 7 ліпеня па 5 жніўня. Аднак не выключана, што гэты тэрмін будзе падоўжаны.
Цяпер чытаюць
Ён адкрыта называў расійскіх вайскоўцаў акупантамі, а расійскую ўладу — фашысцкай. За краты кінулі супрацоўніка МТБанка12
Ён адкрыта называў расійскіх вайскоўцаў акупантамі, а расійскую ўладу — фашысцкай. За краты кінулі супрацоўніка МТБанка
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі77
Каментары