U Polščy raskazali, jak budzie z 7 lipienia prachodzić kantrol na miažy ź Litvoj
Pamiežnaja słužba Polščy budzie vybaračna praviarać aŭtamabili, jakija pierasiakajuć polska-litoŭskuju miažu.
Ułady abiacajuć zrabić pamiežny kantrol, jaki ŭvodzicca z 7 lipienia dla praduchileńnia nielehalnaj mihracyi, «jak maha mienš ciažkim», piša Most.
— My budziem vybirać dla kantrolu transpartnyja srodki, jakimi mohuć pieravozić nielehalnych mihrantaŭ ź litoŭskaha i łatvijskaha kirunkaŭ, — zajaviŭ padpałkoŭnik Andžej Stasiulevič z Padlaskaha adździeła pamiežnaj słužby.
Płanujecca, što na polska-litoŭskaj miažy budzie 13 punktaŭ kantrolu. Pasty na aŭtamabilnych trasach u Budzisku i Ahrodnikach, a taksama na čyhunačnaj stancyi ŭ Trokiškach buduć dziejničać kruhłasutačna.
Časovyja pasty mohuć źjavicca na dziesiaci miascovych darohach, jakimi karystajucca žychary pamiežža i fiermiery, jakija apracoŭvajuć pali pa abodva baki miažy.
Akramia pamiežnikaŭ kantrol buduć ažyćciaŭlać palicyja, vojski terytaryjalnaj abarony, transpartnaja inśpiekcyja i mytnia.
Zhodna z rasparadžeńniem Urada, časovy pamiežny kantrol na polska-litoŭskaj miažy budzie dziejničać z 7 lipienia pa 5 žniŭnia. Adnak nie vyklučana, što hety termin budzie padoŭžany.
Kamientary