Premjer Donald Tusk abviaściŭ pra adnaŭleńnie pamiežnaha kantrolu z 7 lipienia, spasyłajučysia na aściarohi adnosna niekantralavanaha patoku mihrantaŭ. Adnak rašeńnie pavinna źvieści da minimumu niazručnaści dla hramadzian, paviedamlaje Polskaje radyjo.
Siońnia ŭ Varšavie prachodzić pasiadžeńnie ŭrada Polščy, na jakim, u pryvatnaści, abmiarkoŭvajecca situacyja na polska-niamieckaj miažy. Pryčynaj uklučeńnia hetaha pytańnia ŭ paradak dnia stała infarmacyja, što nibyta niamieckija pamiežniki adpraŭlajuć mihrantaŭ u Polšču z parušeńniem pracedur.
Adnaŭleńnie kantrolu na miažy z Hiermanijaj pavinna praduchilić niekantralujemy patok nielehalnych mihrantaŭ — tak premjer Polščy Donald Tusk patłumačyŭ uviadzieńnie kantrolu na polska-niamieckaj miažy.
Pravierki pačnucca ŭ paniadziełak, 7 lipienia.
Kiraŭnik polskaha ŭrada skazaŭ, što adsutnaść kantrolu stvaraje ciažkaści z vyznačeńniem taho, ci sapraŭdy ludziej, jakich u Polšču adpraŭlajuć niamieckija pamiežniki, treba prymać:
«Časovaje adnaŭleńnie kantrolu na polska-niamieckaj miažy. My ličym nieabchodnym skaracić da minimumu patoki, jakija nie kantralujucca našymi słužbami — patoki mihrantaŭ u abodva baki praz polska-niamieckuju miažu. Spadziajusia, što niehatyŭnyja nastupstvy z punktu hledžańnia intaresaŭ polskich hramadzian buduć źviedzieny da minimumu. Takuju zadaču my pastavili i pierad pamiežnikami, i pierad inšymi słužbami».
Premjer padkreśliŭ, što rašeńnie nosić časovy charaktar, ale polski bok uśviedamlaje jaho nastupstvy dla hramadzian, tamu pamiežniki atrymali adpaviednyja daručeńni: «Da minimumu. Da absalutnaha minimumu treba źvieści dziejańni, jakija mahli b uskładnić zvyčajnym, narmalnym ludziam transparciroŭku tavaraŭ, praduktaŭ, turystyčny ruch. Usio heta pavinna adbyvacca jak maha narmalniej i płaŭniej, i my zrobim usio mahčymaje, kab hetyja nastupstvy byli jak maha mienš adčuvalnyja».
Anałahičnyja praviły — jak i na miažy z Hiermanijaj — buduć dziejničać z 7 lipienia i na polska-litoŭskaj miažy.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?13
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary