Кіраўніцтва мінскага «Дынама» не прыняло адстаўку Вадзіма Скрыпчанкі
У панядзелак адбылася сустрэча кіраўнікоў мінскага «Дынама», на якім разглядалася заява Вадзіма Скрыпчанкі аб сыходзе з пасады галоўнага трэнера «бела-сініх», паведамляе «Беларускі футбол».
Па яго выніках адстаўка не была прынята і трэнерскі штаб на чале са Скрыпчанкам працягне працу як мінімум да канца першага круга.
Нагадаем, учора настаўнік «бела-сініх» Вадзім Скрыпчанка пасля паразы ў гульні 13 тура супраць дзяржынскага «Арсенала» (1:2) паведаміў пра намер пакінуць пасаду галоўнага трэнера каманды.
У наступным туры «Дынама» трэба будзе гуляць з аднаклубнікамі з Брэста на Нацыянальным стадыёне. У 15 туры «бела-сінія» правядуць гасцявы паядынак супраць лідара лігі «МЛ Віцебск».
Па выніках 13 матчаў падапечныя Скрыпчанкі займаюць трэці радок у турнірнай табліцы, адстаючы ад першага месца на сем пунктаў.
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў18
Каментары