Рыбакоў: Беларусь і ЗША абмяркоўваюць магчымасць поўнай нармалізацыі адносін
Валянцін Рыбакоў, удзельнік перамоў Лукашэнкі з Келагам, спадзяецца, што краіны абмяняюцца візітамі і адновяць працу пасольстваў у поўным аб'ёме.
Пра гэта пастаянны прадстаўнік Беларусі пры ААН Валянцін Рыбакоў паведаміў, каментуючы вынікі сустрэчы Аляксандра Лукашэнкі са спецыяльным пасланнікам Прэзідэнта ЗША Кітам Келагам, перадае БелТА.
«Вядома, у першую чаргу абмяркоўваюцца пытанні канчатковай нармалізацыі двухбаковых адносін — поўная нармалізацыя з аднаўленнем у поўным аб’ёме працы пасольстваў у абедзвюх краінах, абмен візітамі і гэтак далей».
Паводле Рыбакова, адміністрацыя ЗША ўсведамляе ролю Беларусі ў рэгіянальнай палітыцы:
«Адміністрацыя ЗША ўсведамляе месца і ролю Беларусі ў рэгіянальнай сітуацыі».
Сярод прыярытэтных для Беларусі пытанняў застаецца тэма санкцый:
«Мы пастаянна гэта падкрэсліваем — санкцыі, якія з’яўляюцца абсалютна незаконнымі. Гэта аднабаковыя меры, прынятыя з парушэннем усіх нормаў міжнароднага права. Гэтае пытанне абмяркоўваецца, і мы спрабуем знайсці нейкія развязкі, нейкія рашэнні».
Нагадаем, што ў пятніцу спецыяльны прадстаўнік прэзідэнта ЗША Кіт Келаг правёў у Мінску перамовы з Аляксандрам Лукашэнкам, вынікам якіх стала вызваленне 14 палітычных зняволеных, у тым ліку Сяргея Ціханоўскага.
-
«Госці хацелі сесці за сталом з канапамі, але гэта небяспечна». Мінскае кафэ пракаментавала скандал з дзяўчынкай з інваліднасцю
-
Беларусам можна не плаціць па крэдытах, якія аформілі махляры. Вось у якіх выпадках
-
«Прэмія належыць усім беларусам, якія працягваюць змагацца». Ціханоўская ўзнагароджаная нямецкай прэміяй, якую атрымліваў Гавел
Цяпер чытаюць
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы25
Каментары
Навошта гэта было рабіць? ;)