У Ізраілі 1 загінуў, 40 параненых ад іранскай балістыкі. Пачалася трэцяя хваля ўдараў па Іране
Па папярэдніх ацэнках, агулам Іран выпусціў па Ізраілі каля 150 ракет.
Медыцынскія службы паведамілі пра дзевяць месцаў падзення снарадаў.
Пацярпелых 41 чалавек. Адзін з іх пазней памёр у бальніцы. Яшчэ адзін атрымаў моцныя траўмы, астатнія атрымалі лёгкія траўмы або ім спатрэбілася дапамога медыкаў для выхаду са стану шоку.
У паліцыі заявілі:
«Паліцэйскія сапёры ў цяперашні час працуюць над ізаляцыяй месцаў траплянняў. Мы просім грамадскасць трымацца далей ад месца траплянняў і падпарадкоўвацца ўказанням паліцыі на месцах. Выконвайце ўказанні камандавання тылу і заставайцеся ў абароненых зонах».
Пералік раёнаў, у якія былі цэліліся іранскія ракеты, прыводзяць спецыялізаваныя рэсурсы:
- Фінансавы цэнтр Тэль-Авіва;
- Міністэрства абароны Ізраіля;
- Міністэрства эканомікі;
- Авіябаза Тэль-Ноф;
- Некалькі пунктаў у раёне Хайфы;
- Газавая платформа ля ўзбярэжжа Газы.
Міністр абароны Ізраіля Ісраэль Кац выступіў з жорсткай заявай:
«Іран перайшоў чырвоную рысу, калі адважыўся запусціць ракеты па цывільных населеных пунктах у Ізраілі. Мы працягнем абараняць грамадзян Ізраіля і забяспечым, каб рэжым аятал заплаціў вельмі высокую цану за свае злачынныя дзеянні».
У гэтыя хвіліны адбываецца новая хваля ізраільскіх удараў па Іране. Ізраільскія СМІ пішуць, што мэтай гэтай хвалі сталі ўстаноўкі супрацьпаветранай абароны Ірана ў раёне сталіцы, Тэгерана.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі18
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары