У нямецкай Баварыі спынілі Польскі грузавік з 45-гадовым беларусам за рулём. Ён быў п'яны, а ў кабіне яшчэ і знайшлі наркотыкі, піша сайт «Беларусь и мир».
Фура рухалася ў суботу 31 мая каля 22.30 вечара па трасе А8 у напрамку Мюнхена. Патруль заўважыў, што аўтацягнік едзе, хістаючыся з боку ў бок, таму пасля праезду грамады Іршэнберг вывела яго з руху для праверкі.
Кіроўца добраахвотна прайшоў алкатэст. Падазрэнні ў яго нецвярозасці пацвердзіліся — прыбор паказаў наяўнасць у арганізме больш за 2,4 праміле. Мужчыну адправілі ў бальніцу для ўзяцця ўзору крыві на аналіз і канфіскавалі ў яго правы.
Аднак гэтым справа не скончылася. Пры аглядзе кабіны ў ёй знайшлі яшчэ 1,3 грама марыхуаны.
Таму беларусу цяпер прыйдзецца адказваць па двух артыкулах: за кіраванне ў нецвярозым выглядзе і за парушэнне закона аб абарачэнні наркатычных сродкаў.
Каб вярнуць цягач з паўпрычэпам, польскаму перавозчыку давялося адправіць у Іршэнберг зменнага кіроўцу.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2020
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс20
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце5555
Каментары