Рускамірная актывістка Эльвіра Мірсалімава вінаваціць віцебскія ўлады ў «змагарстве»
Эльвіры Мірсалімавай не спадабалася, што на вуліцах у гістарычным цэнтры Віцебска з’явіліся шыльдачкі з іх гістарычнымі назвамі, піша «Віцебская вясна».
Вуліцы ў горадзе ніхто не пераймяноўваў, проста пад аншлагамі — так называеццца шыльда з назвай вуліцы — з’явіліся напісаныя асобна гістарычныя назвы.
Гэтай ініцыятыве ўжо не адзін дзясятак гадоў, але толькі цяпер яе ўвасобілі ў жыццё, напэўна, каб падвысіць «турыстычную прыцягальнасць».
Перспектыва вяртання віцебскім вуліцам гістарычных назваў не падабалася Мірсалімавай яшчэ даўно. Шэсць гадоў таму яна напісала вялізны артыкул на гэтую тэму, дзе сцвярджала, што «варушняк з нібыта неабходнасцю з'яўлення шыльдаў на віцебскіх вуліцах арганізаваны «свядомымі», празападнымі актывістамі, праціўнікамі Расіі і савецкага мінулага».
Можна згадаць і яшчэ пару выказванняў з таго даўняга артыкула:
«Сучасная Беларусь з'яўляецца заканамерным працягам савецкага праекта. Менавіта ў савецкі перыяд адбылося станаўленне нацыянальнай дзяржавы. Быў закладзены той падмурак, на якім высіцца цяперашняя Рэспубліка Беларусь. Рэспубліка Беларусь — спадчынніца Беларускай Савецкай Сацыялістычнай Рэспублікі».
А таму
«трэба спыніць спробы перайменаванняў вуліц і плошчаў, адмовіцца ад заклікаў да пакаяння за наша савецкае мінулае, адмовіцца ад заклікаў да судзілішча над уласнай гісторыяй».
Але віцебскія ўлады не прыслухаліся да заклікаў Эльвіры Мірсалімавай, і за гэта яна запісала іх у «змагары».
Між тым нічога глабальнага не адбылося: проста на некалькіх дамах у цэнтры Віцебска з’явіліся новыя дэкаратыўныя элементы. А назвы вуліц — Суворава, камісара Крылова і гэтак далей як былі, так і засталіся.
Стала вядома, колькі грошай атрымлівалі ад крамлёўскага фонду Лушч, Мірсалімава і Герашчанка
Гладкая назвала Бондараву і Мірсалімаву чарвямі. Азаронак і Лук’янаў патрабуюць ліквідацыі
Прарасійская актывістка Мірсалімава абурылася, што сілавікі дапыталі яе дачку
Прарасійская актывістка Эльвіра Мірсалімава патрабуе пакарання «недатыкальных асобаў»
Цяпер чытаюць
«Я наведаў самую ізаляваную краіну Еўропы». Амерыканскі блогер расказаў, як прыязджаў у Беларусь у 2020-м і 2024-м2
Каментары