Ruskamirnaja aktyvistka Elvira Mirsalimava vinavacić viciebskija ŭłady ŭ «zmaharstvie»
Elviry Mirsalimavaj nie spadabałasia, što na vulicach u histaryčnym centry Viciebska źjavilisia šyldački ź ich histaryčnymi nazvami, piša «Viciebskaja viasna».
Vulicy ŭ horadzie nichto nie pierajmianoŭvaŭ, prosta pad anšłahami — tak nazyvajecca šylda z nazvaj vulicy — źjavilisia napisanyja asobna histaryčnyja nazvy.
Hetaj inicyjatyvie ŭžo nie adzin dziasiatak hadoŭ, ale tolki ciapier jaje ŭvasobili ŭ žyćcio, napeŭna, kab padvysić «turystyčnuju pryciahalnaść».
Pierśpiektyva viartańnia viciebskim vulicam histaryčnych nazvaŭ nie padabałasia Mirsalimavaj jašče daŭno. Šeść hadoŭ tamu jana napisała vializny artykuł na hetuju temu, dzie śćviardžała, što «varušniak ź nibyta nieabchodnaściu źjaŭleńnia šyldaŭ na viciebskich vulicach arhanizavany «śviadomymi», prazapadnymi aktyvistami, praciŭnikami Rasii i savieckaha minułaha».
Možna zhadać i jašče paru vykazvańniaŭ z taho daŭniaha artykuła:
«Sučasnaja Biełaruś źjaŭlajecca zakanamiernym praciaham savieckaha prajekta. Mienavita ŭ saviecki pieryjad adbyłosia stanaŭleńnie nacyjanalnaj dziaržavy. Byŭ zakładzieny toj padmurak, na jakim vysicca ciapierašniaja Respublika Biełaruś. Respublika Biełaruś — spadčyńnica Biełaruskaj Savieckaj Sacyjalistyčnaj Respubliki».
A tamu
«treba spynić sproby pierajmienavańniaŭ vulic i płoščaŭ, admovicca ad zaklikaŭ da pakajańnia za naša savieckaje minułaje, admovicca ad zaklikaŭ da sudzilišča nad ułasnaj historyjaj».
Ale viciebskija ŭłady nie prysłuchalisia da zaklikaŭ Elviry Mirsalimavaj, i za heta jana zapisała ich u «zmahary».
Miž tym ničoha hłabalnaha nie adbyłosia: prosta na niekalkich damach u centry Viciebska źjavilisia novyja dekaratyŭnyja elemienty. A nazvy vulic — Suvorava, kamisara Kryłova i hetak dalej jak byli, tak i zastalisia.
Stała viadoma, kolki hrošaj atrymlivali ad kramloŭskaha fondu Łušč, Mirsalimava i Hieraščanka
Hładkaja nazvała Bondaravu i Mirsalimavu čarviami. Azaronak i Łukjanaŭ patrabujuć likvidacyi
Prarasijskaja aktyvistka Mirsalimava aburyłasia, što siłaviki dapytali jaje dačku
Prarasijskaja aktyvistka Elvira Mirsalimava patrabuje pakarańnia «niedatykalnych asobaŭ»
Ciapier čytajuć
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1010
Kamientary