Расійскія тэлеграм-каналы і ваенкары паведамляюць пра новую маштабную спробу наступлення Узброеных сіл Украіны на тэрыторыю Курскай вобласці Расіі. Асноўныя падзеі адбываюцца ў Глушкоўскім раёне, у раёне Цёткіна, а таксама на кірунку населенага пункта Новы Пуць.
Паводле звестак тэлеграм-канала SHOT, у аперацыі ўдзельнічаюць да 250 украінскіх вайскоўцаў, больш за 15 адзінак цяжкай тэхнікі, а таксама квадрацыклы, на якіх перасоўваецца пяхота. Паводле інфармацыі канала, частка тэхнікі была знішчана падчас начнога падыходу да расійскай мяжы.
Наступальныя дзеянні, як сцвярджаецца, пачаліся вечарам напярэдадні. Непасрэдна перад гэтым былі масіраваныя ўдары дронамі і артылерыяй па тэрыторыі Цёткіна.
Пасля гэтага дзве браніраваныя групы ўкраінскіх вайскоўцаў пачалі прасоўванне ў бок мяжы з тэрыторыі Сумскай вобласці.
Таксама паведамляецца пра разбурэнне моста ў вёсцы Званае, што можа сведчыць пра спробы перарэзаць шляхі падмацавання ці ўскладніць перамяшчэнне расійскіх войскаў у раёне баявых дзеянняў.
Паводле расійскіх крыніц, па месцах канцэнтрацыі ўкраінскіх сіл нанесены авіяўдары. Баявыя сутыкненні працягваюцца ў непасрэднай блізкасці да мяжы, на ўскрайках Цёткіна.
Умовы надвор’я — дажджы і абмежаваная бачнасць — ускладняюць выкарыстанне беспілотнікаў.
Афіцыйны Кіеў сітуацыю пакуль не каментуе.
Цяпер чытаюць
Сёстры Груздзевы цяпер важаць пад 100 кілаграмаў кожная14
Сёстры Груздзевы цяпер важаць пад 100 кілаграмаў кожная
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе9
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў1010
Каментары