Арына Сабаленка трэці раз стала чэмпіёнкай турніру WTA-1000 у Мадрыдзе і зарабіла амаль мільён еўра
Беларуская тэнісістка Арына Сабаленка ў трэці раз заваявала тытул на прэстыжным турніры WTA-1000 у Мадрыдзе, перамогшы ў фінале амерыканку Коры Гаўф з лікам 6:3, 7:6 (7:3). За перамогу яна атрымала €985 030 прызавых і 1000 рэйтынгавых ачкоў.
Арына Сабаленка працягвае сваё дамінаванне на грунтовых кортах Мадрыда. У фінале турніру WTA-1000 яна перамагла чацвёртую ракетку свету Коку Гаўф, што прынесла ёй трэці тытул на гэтым турніры пасля перамог у 2021 і 2023 гадах.
Гэтая перамога стала для Сабаленкі трэцяй на турніры ў Мадрыдзе. Яна атрымала €985 030 прызавых і 1000 рэйтынгавых ачкоў, што ўмацавала яе пазіцыю як першай ракеткі свету.
Сезон 2025 года становіцца асабліва ўдалым для Сабаленкі: яна ўжо заваявала тытула ў Брысбене, Маямі і цяпер у Мадрыдзе, а таксама была фіналісткай на Аўстралійскім адкрытым чэмпіянаце і ў Індыян-Уэлсе.
Каментары
І хто там казаў, што яна жыве за кошт рэжыму і без яго яна ніхто?)
Слова "кошт" у каментарыях два разы і ад яго: "Можа яна жыве за кошт рэжыму?", "Яна жыве за кошт бюджэту альбо схематозу?"
Сам кажа за апанентаў слабы аргумент, каб самому яго і абвергнуць. І зараз тое ж самае.
Казалі пра таксічнасць сувязі з рэжымам.
Калі яна сапраўды незалежная, што замінае змяніць грамадзянства і не мець сувязі са сцягам, на якім пакуты рэпрэсаваных і саўдзел у нападзе на Украіну.
Ну ў 20 годзе можа змаладушнічала, можа пабаялася, можа лічыла сябе абавязанай рэжыму. Можна назваць яе і хатаскрайнікам, але ж лукашыст гэта не той хто сядзіць моўчкі, а той хто корміцца з яго рукі і служыць яму. Яна ставіць на перад сваё жыццё і карьеру, так яна нам не саюзнік, але ж і не вораг.