Было 38 рублёў за кіло, стала 63? Цэннік на цукеркі «Камунаркі» выклікаў спрэчкі сярод беларусаў
Беларуска апублікавала ў тыктоку ролік, у якім паказала два цэннікі на адныя і тыя ж цукеркі кандытарскай фабрыкі «Камунарка» ў краме гандлёвай сеткі «Гіпа». Адрозніваліся даты і сама цана: 38,39 рубля і 63,36. Каментатары сталі спрачацца, праз што такое значнае падаражанне, піша Telegraf.news.
«Хто ў курсе, што адбываецца з «Камунаркай»?» — спыталася аўтарка відэа.
Так змянілася цана цукерак «Труфелі». Першы цэннік датаваны 24 сакавіка (дзе 38,39 рубля), другі — 23 красавіка (63,36). Гэта значыць, па гэтых звестках, цана вырасла на 24,97 рубля, або на 65%.
Цэннік на цукеркі «Камунаркі» выклікаў спрэчкі сярод беларусаў У адным з каментароў аўтарка відэа сцвярджала, што «сакавіцкі цэннік памянялі пасля абеду 23 красавіка».
«Цэннік памянялі пасля візіту прадстаўнікоў «Камунаркі», так сказалі работнікі крамы, якія таксама былі ў шоку!!!» — напісала беларуска.
«Неўраджай какава-зерня, ну ці таго, з чаго робяць какава-масла, на біржах, дзе яго закупляюць, цана ў тры разы ўзляцела», — патлумачыў падаражанне адзін каментатар.
Іншы абвінаваціў курс даляра: «Даляр падаражэў на дзве капейкі, ну і вось».
Яшчэ адна карыстальніца тыктоку сказала, што «гэта не «Камунарка», а «Гіпа» вызначае цэны». З ёй не пагадзіліся: «Не, цана ад пастаўшчыка».
«Хачу заўважыць, у «Спартаку» цэны адэкватныя… Камунарка, вядома, агонь», — падзяліўся меркаваннем яшчэ адзін юзэр.
«Гэта адбываецца, хутчэй за ўсё, не з «Камунаркай», а з гандлёвымі арганізацыямі», — думае іншы.
«Калі зроблена рэальна з какава-бабоў, цана будзе расці, бо цана на сусветным рынку моцна вырасла», — растлумачыў іншы каментатар.
Што ўплывае на кошт прысмакаў?
Раней галоўны тэхнолаг СААТ «Камунарка» Ірына Мацугуд расказала журналістам Telegraf.news пра два фактары, якія ўплываюць на кошт кандытарскай прадукцыі.
Па-першае, цана залежыць ад інгрэдыентаў. Чым даражэйшы склад прадукта, тым вышэйшая выніковая цана, тлумачыла Мацугуд. Напрыклад, цукеркі з кандытарскай глазурай будуць каштаваць танней, чым з шакаладнай.
«Другім пунктам ідзе тэхналогія вытворчасці. Калі цукеркі выпускаюць на высокапрадукцыйнай лініі, дзе працуе невялікая колькасць людзей, то і сабекошт будзе ніжэйшы. А калі, напрыклад, лінія старая, ды яшчэ і інгрэдыенты дарагія, — гэта сумленная цана», — запэўніла галоўны тэхнолаг «Камунаркі».
Пры гэтым зрабіць так, каб цукеркі «даражэйшыя» рабілі на лініі, дзе «танней», — нельга. Як сказала Мацугуд, гэта будзе ўжо зусім іншая прадукцыя: смак стане нязвыклым і ўлюбёныя прысмакі будзе не пазнаць.
А па словах генеральнага дырэктара СААТ «Камунарка» Сяргея Анюхоўскага, які таксама пагутарыў з Telegraf.news, у 2024 годзе ў параўнанні з 2023-м какава-бабы падаражэлі ў тры разы.
«Што тычыцца ўзроўню цэн (вы спыталі, які павінен быць). Як мінімум на 20% будзе павышэнне вясной [2025 года]», — сказаў яшчэ зімой Анюхоўскі.
Беларус уз'еўся на «Аэрафлоцкія» і «Алёнку»: што не так з гэтымі цукеркамі
«Узяла іх цэлы мех». Беларуска паказала, якія прадукты прывозіць з Польшчы, і справакавала бурную дыскусію
У Гродне кіроўца забраў няўлічаныя 42 кілаграмы цукерак
«Камунарка» пачала прадаваць дубайскія цукеркі
У беларускай краме заўважылі шакалад вельмі незвычайнага выгляду ВІДЭА
На «Камунарцы» адновяць выпуск цукерак, папулярных у савецкія часы
Каментары