Тайланд з 1 мая ўводзіць новаўвядзенне для тых, хто ўязджае. Што трэба ведаць беларускім турыстам
Тайланд з 1 мая ўводзіць новае патрабаванне для замежных турыстаў: яны павінны запоўніць лічбавую карту прыбыцця TDAC (Thailand Digital Arrival Card), піша БелТА.
Патрабаванне датычыцца тых, хто ўязджае з 1 мая 2025 года на ўсіх відах транспарту — наземным, паветраным і марскім.
«Карта з'яўляецца абавязковай да запаўнення і не з'яўляецца візай, — адзначылі ў ганаровым консульстве Тайланда ў Беларусі. — Патрабаванні да адкрыцця электроннай візы і візы па прылёце застаюцца без змяненняў».
Каб падаць лічбавую карту, турысту неабходна за 3 дні да прыбыцця ў Тайланд, уключаючы дату прыбыцця, зайсці на сайт Іміграцыйнага бюро Тайланда і запоўніць там неабходную форму. У ёй патрабуецца пазначыць наступную інфармацыю: пашпартныя дадзеныя, звесткі аб паездцы, інфармацыю пра стан здароўя.
«Пасля паспяховага запаўнення лічбавай формы неабходна адправіць сваю заяўку, спампаваць карту TDAC і захаваць яе або раздрукаваць для прад'яўлення іміграцыйнаму супрацоўніку па прыбыцці ў Тайланд», — расказалі ў ганаровым консульстве краіны.
Каментары
лепш няхай вуліцы пачысьцяць