У Варшаве па падазрэнні ў захоўванні наркотыкаў затрымалі трох беларусаў
Супрацоўнікі паліцыі варшаўскага раёна Бемова затрымалі грамадзян Беларусі 20, 21 і 22 гадоў, якім выставілі абвінавачанні ў захоўванні значнай колькасці наркатычных сродкаў і псіхатропных рэчываў.
Фота ілюстрацыйнае
Паведамляецца, што супрацоўнікі паліцыі
«заўважылі трох мужчын за рулём аўтамабіля Toyota. У нейкі момант адзін з іх выйшаў з машыны і пакінуў на газоне пакет з мефедронам, пасля сфатаграфаваў гэтае месца на свой тэлефон, вярнуўся ў машыну, і яны ўтрох паехалі».
Паліцыя спыніла аўтамабіль для праверкі. Пасля гэтага сілавікі правялі ператрус у кватэры, дзе жылі беларусы. Там выявілі «значную колькасць наркотыкаў».
Па рашэнні суда беларусы пакуль арыштаваныя на тры месяцы.
«Не спадабаліся прадукты на паліцы — і пішуць туды эсэмэску». МУС назвала Threads пагрозай бяспецы і заявіла пра затрыманні13
Каментары