Дзяржсакратар ЗША: Калі завяршыць вайну ва Украіне немагчыма, нам трэба рухацца далей
«Мы павінны вельмі хутка, і я кажу пра лічаныя дні, вызначыць, ці гэта магчыма», — сказаў Марка Рубіа.
Дзяржаўны сакратар ЗША Марка Рубіа заявіў у пятніцу, што калі завяршыць вайну ва Украіне немагчыма, Злучаныя Штаты павінны адмовіцца ад сваіх намаганняў і рухацца далей, паведамляе CNN.
«Калі завяршыць вайну ва Украіне немагчыма, нам трэба рухацца далей», — сказаў ён журналістам перад адлётам з Парыжа. «Мы павінны вельмі хутка, і я кажу пра лічаныя дні, вызначыць, ці гэта магчыма».
Гэтыя каментары прагучалі на наступны дзень пасля таго, як ён і спецыяльны пасланнік Стыў Уіткаф сустрэліся з еўрапейскімі і ўкраінскімі саюзнікамі, паколькі адміністрацыя прэзідэнта ЗША Дональда Трампа імкнецца пакласці канец вайне Расіі супраць Украіны.
Згодна з інфармацыяй Дзярждэпартамента, распрацаваны ЗША план міру атрымаў «абнадзейлівы водгук» падчас перамоў, хоць падрабязнасці гэтага плана не агалошваліся. Таксама паведамляецца, што Рубіа паразмаўляў з міністрам замежных спраў Расіі Сяргеем Лаўровым і перадаў яму той жа план.
Выступаючы ў пятніцу, Рубіа сказаў, што ён і Уіткаф прыбылі ў Парыж, каб «пачаць размову пра больш канкрэтныя пункты таго, што можа спатрэбіцца для завяршэння вайны» і вызначыць, ці гэта ўвогуле магчымы сцэнар.
«Калі гэта немагчыма, калі нашы пазіцыі настолькі розныя, што нічога не адбудзецца, то, думаю, прэзідэнт ужо на тым этапе, калі ён скажа — мы скончылі», — заявіў ён.
Цяпер чытаюць
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін6
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1919
Каментары