Dziaržsakratar ZŠA: Kali zaviaršyć vajnu va Ukrainie niemahčyma, nam treba ruchacca dalej
«My pavinny vielmi chutka, i ja kažu pra ličanyja dni, vyznačyć, ci heta mahčyma», — skazaŭ Marka Rubia.
Dziaržaŭny sakratar ZŠA Marka Rubia zajaviŭ u piatnicu, što kali zaviaršyć vajnu va Ukrainie niemahčyma, Złučanyja Štaty pavinny admovicca ad svaich namahańniaŭ i ruchacca dalej, paviedamlaje CNN.
«Kali zaviaršyć vajnu va Ukrainie niemahčyma, nam treba ruchacca dalej», — skazaŭ jon žurnalistam pierad adlotam z Paryža. «My pavinny vielmi chutka, i ja kažu pra ličanyja dni, vyznačyć, ci heta mahčyma».
Hetyja kamientary prahučali na nastupny dzień paśla taho, jak jon i śpiecyjalny pasłańnik Styŭ Uitkaf sustrelisia ź jeŭrapiejskimi i ŭkrainskimi sajuźnikami, pakolki administracyja prezidenta ZŠA Donalda Trampa imkniecca pakłaści kaniec vajnie Rasii suprać Ukrainy.
Zhodna ź infarmacyjaj Dziarždepartamienta, raspracavany ZŠA płan miru atrymaŭ «abnadziejlivy vodhuk» padčas pieramoŭ, choć padrabiaznaści hetaha płana nie ahałošvalisia. Taksama paviedamlajecca, što Rubia parazmaŭlaŭ ź ministram zamiežnych spraŭ Rasii Siarhiejem Łaŭrovym i pieradaŭ jamu toj ža płan.
Vystupajučy ŭ piatnicu, Rubia skazaŭ, što jon i Uitkaf prybyli ŭ Paryž, kab «pačać razmovu pra bolš kankretnyja punkty taho, što moža spatrebicca dla zaviaršeńnia vajny» i vyznačyć, ci heta ŭvohule mahčymy scenar.
«Kali heta niemahčyma, kali našy pazicyi nastolki roznyja, što ničoha nie adbudziecca, to, dumaju, prezident užo na tym etapie, kali jon skaža — my skončyli», — zajaviŭ jon.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?21
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary