Новы тып вечарынак набывае папулярнасць у моладзі — удзень, з кавай і без алкаголю
Шукальнікі новых уражанняў цяпер адпраўляюцца на кававыя рэйвы, якія ператвараюць кавярні ў альтэрнатыўныя пляцоўкі для канцэртаў.
Morning coffee rave — гэта новы фармат гарадскіх вечарынак, якія праходзяць… раніцай. Замест алкаголю — кава і смузі, замест цёмнага клуба — светлыя прасторы, замест ночы — пачатак працоўнага дня.
З чаго пачалося
Ідэя з’явілася каля 2013 года ў Лондане, калі двое сяброў — Ніка Тэмэс (Nico Thoemmes) і Саманта Мойо (Samantha Moyo) — правялі першую цвярозую ранішнюю вечарыну пад назвай Morning Gloryville. Яны хацелі стварыць альтэрнатыву начному клубнаму жыццю, дзе можна было б танцаваць і радавацца без неабходнасці піць алкаголь ці ўжываць наркотыкі.
Гэта падалося нечым дзіўным — але папулярнасць такой формы расла. Ідэя разышлася па свеце: падобныя івэнты пачалі праводзіцца ў Нью-Ёрку, Берліне, Тэль-Авіве, Токіа, Дэлі.
У апошнія гады morning raves вяртаюцца ўжо з новай назвай — coffee rave ці morning party, з большым акцэнтам на здаровы лад жыцця і спажыванне кавы. Месцамі іх правядзення становяцца не толькі кавярні, але і пякарні.
У чым асаблівасць
1. Час
Вечарынка (яе лепш назваць ранішнікам) пачынаецца а 6-8-й раніцы, часта ў будні дзень, і доўжыцца 2-3 гадзіны. Пасля людзі ідуць на працу або вучобу, атрымліваючы дозу энергіі праз танцы, музыку і добрую каву.
У выходныя дні такія івэнты пачынаюцца пазней.
2. Атмасфера
Ніякага алкаголю, туману і цемры. Звычайна гэта светлыя залы, з вокнамі і натуральным асвятленнем, усмешкі замест клубнай «жорсткасці». Частка івэнтаў уключае ёгу, дыхальныя практыкі, майстар-класы або невялікія перформансы.
3. Музыка
Танцавальная і энергетычная — ад фанк-хаўсу і тэхна да дыска і афрабіту. Усё, што можа «раскачаць» арганізм без неабходнасці дадатковых стымулятараў.
4. Кава і здаровыя напоі
Barista-станцыя — цэнтр прыцягнення. Акрамя кавы, можна выпіць смузі, камбучу, гарбату. Пітво тут не каб расслабіцца, а каб узняць настрой.
5. Аўдыторыя
Маладыя прафесіяналы, творчыя людзі, тыя, хто стаміўся ад класічных вечарынак або шукае здаровую альтэрнатыву. Некаторыя прыходзяць з дзецьмі — гэта часта сямейныя падзеі.
Чаму гэта важна і цікава
У эпоху здаровага ладу жыцця і пошуку балансу morning raves даюць магчымасць адчуць сябе ўключаным у жыццё, але без ранішняга пахмелля ці разбітасці. Гэта не столькі вечарынка, колькі актыўны рытуал — своеасаблівы абрад уключэння ў дзень.
Мода на Morning coffee rave дайшла і да Беларусі. Першым, хто прапанаваў такі фармат, стала кавярня «Кафэ дэ Бальзак» на Даўгабродскай у Мінску. Хутка ідэю падхапілі і іншыя. Так, праз некалькі тыдняў падобны івэнт прайшоў у кавярні ў парку Горкага, кавярні «404» на праспекце Дзяржынскага і гастрапякарні «Сіняя птушка» ў Ракаўскім прадмесці.
Выглядае на тое, што з набліжэннем лета Morning coffee rave захопіць сталіцу і перамясціцца ў іншыя гарады Беларусі.
Цяпер чытаюць
«Заходзіш у камеру, а яны кажуць: «Мы з табой адмаўляемся сядзець». Ціханоўскі расказаў, як сутыкнуўся з праблемай нізкага статусу12
Каментары
Если можно днём отмечать. Днём линейка, школьный бал, в обед нормально поели и гулять по городу. И учителям спокойнее. И детям веселее.
А то стой вечером голодный на линейке, потом темно, уже спина болит, голова кружится, в столовую не пускают, бесконечные фотосессии, а потом,чуть ли не полночь наконец-то запускают в столовую и начинается ночное обжорство.
Не всем детям это нравится - ночью праздновать.
Почему бы не перенести выпускной на дневное время.
А кто из выпускников хочет ночью продолжить, продолжит с друзьями.
Почему детей не спрашивают, в какое время суток они хотят праздновать выпускной?