Мужчыны ва ўсім свеце просяць цырульнікаў, каб тыя падрэзалі ці нават згалілі ім вейкі. Навошта?
Новаму трэнду ўжо некалькі месяцаў. Падстава для яго з'яўлення — тое, што доўгія вейкі быццам бы робяць мужчын візуальна менш мужнымі. Таму хлопцы просяць цырульнікаў падрэзаць ім вейкі нажніцамі або спецыяльным трымерам.
Адзін з самых папулярных ролікаў на гэтую тэму набраў больш за 800 тысяч праглядаў.
Карыстальнікі, якія пішуць каментары да гэтых і іншых падобных ролікаў, у шоку ад новай моды. Некаторыя хлопцы адзначаюць, што наадварот хацелі б падоўжыць свае вейкі. Іншыя каментатары нагадваюць — вейкі існуюць на нашых вачах не проста так, і калі іх пазбаўляцца, гэта можа выклікаць праблемы са здароўем.
Дзіўная ідэя падразаць вейкі не абышла і жанчын. Некаторыя дзяўчаты лічаць, што вейкі ўвогуле трэба выскубці, каб іх вочы выглядалі натуральна.
Вось як гэта выглядае — відэа не для слабых на нервы:
Появился тренд на выщипывание ресниц… Так глаза якобы выглядят естественно. Мне больно через экран на это смотреть… И главный вопрос, что неестественного в ресницах?
Дактары засцерагаюць ад такіх крокаў. Афтальмолаг Эшлі Хэйдэн нагадвае, што небяспечна выкарыстоўваць у зоне ля вачэй любыя вострыя прадметы, нават калі вы заплюшчылі вочы і той, хто дапамагае вам падразаць вейкі, робіць гэта акуратна. Калі вы пашкодзіце вока, магчымыя ўскладненні, якія могуць паўплываць на ваш зрок.
Ды і застацца без вейкаў — не надта бяспечная ідэя. Нават калі вы іх толькі трошкі падрэзалі, гэта памяншае абарону вашых вачэй ад пылу, бруду і іншых раздражняльнікаў. Вейкі — яшчэ і абарона ад мікробаў, так што калі іх падразаць, можна атрымаць інфекцыю.
Вейкі дапамагаюць хутчэй рэагаваць на магчымыя пагрозы для вока: напрыклад, калі ў бок вока ляціць мошка ці хатняя жывёла цягне да вока сваю лапу, вейкі дапамогуць своечасова гэта адчуць і заплюшчыць вочы. Адпаведна, калі іх не будзе, вы можаце не паспець заплюшчыць вока і атрымаеце траўму.
«Наша Нiва» — бастыён беларушчыны
ПАДТРЫМАЦЬАрыштаваны дырэктар Палаца Рэспублікі, адзін з арганізатараў Марафона адзінства9
Каментары