У Польшчы паліцыя ліквідавала лабараторыю па вытворчасці мефедрону і канфіскавала больш за 28 кг гатовага наркотыку.
Аперацыю правялі супрацоўнікі Цэнтральнага следчага бюро паліцыі і паліцыі Варшавы пры падтрымцы калег з Падкарпацкага ваяводства. У адным з дамоў у Дэмбіцкім павеце яны знайшлі прафесійна абсталяваную лабараторыю, дзе выраблялі сінтэтычныя наркотыкі, у тым ліку мефедрон.
Па справе затрымалі трох мужчын: двух грамадзян Беларусі ва ўзросце 37 і 31 года, а таксама 24‑гадовага грамадзяніна Украіны.
Падчас ператрусу паліцыянты знайшлі абсталяванне для вытворчасці наркотыкаў і больш за 28 кг мефедрону ў выглядзе крышталяў, падрыхтаванага для далейшага распаўсюджвання. Таксама былі канфіскаваныя рэчывы, якія знаходзіліся на розных этапах вытворчага працэсу. Іх перадалі на экспертызу.
Ліквідацыя лабараторыі дазволіла спыніць вытворчасць і не дапусціць трапляння вялікай партыі наркотыкаў на рынак.
Затрыманых даставілі ў пракуратуру горада Дэмбіца, дзе ім выставілі абвінавачанні ў вытворчасці значнай колькасці наркотыкаў. Суд па хадайніцтве пракуратуры арыштаваў усіх трох падазраваных на час расследавання.
Далейшым расследаваннем займаецца Падкарпацкае ваяводскае ўпраўленне паліцыі. Правераныя таксама магчымыя сувязі затрыманых з арганізаванай злачыннай групай, якая можа стаяць за вытворчасцю і распаўсюджваннем наркотыкаў.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары