Mužčyny va ŭsim śviecie prosiać cyrulnikaŭ, kab tyja padrezali ci navat zhalili im viejki. Navošta?
Novamu trendu ŭžo niekalki miesiacaŭ. Padstava dla jaho źjaŭleńnia — toje, što doŭhija viejki byccam by robiać mužčyn vizualna mienš mužnymi. Tamu chłopcy prosiać cyrulnikaŭ padrezać im viejki nažnicami abo śpiecyjalnym trymieram.
Adzin z samych papularnych rolikaŭ na hetuju temu nabraŭ bolš za 800 tysiač prahladaŭ.
Karystalniki, jakija pišuć kamientary da hetych i inšych padobnych rolikaŭ, u šoku ad novaj mody. Niekatoryja chłopcy adznačajuć, što naadvarot chacieli b padoŭžyć svaje viejki. Inšyja kamientatary nahadvajuć — viejki isnujuć na našych vačach nie prosta tak, i kali ich pazbaŭlacca, heta moža vyklikać prablemy sa zdaroŭjem.
Dziŭnaja ideja padrazać viejki nie abyšła i žančyn. Niekatoryja dziaŭčaty ličać, što viejki ŭvohule treba vyskubci, kab ich vočy vyhladali naturalna.
Voś jak heta vyhladaje — videa nie dla słabych na niervy:
Pojaviłsia triend na vyŝipyvanije rieśnic… Tak hłaza jakoby vyhladiat jestiestvienno. Mnie bolno čieriez ekran na eto smotrieť… I hłavnyj vopros, čto niejestiestviennoho v rieśnicach?
Daktary zaścierahajuć ad takich krokaŭ. Aftalmołah Ešli Chejden nahadvaje, što niebiaśpiečna vykarystoŭvać u zonie la vačej lubyja vostryja pradmiety, navat kali vy zapluščyli vočy i toj, chto dapamahaje vam padrazać viejki, robić heta akuratna. Kali vy paškodzicie voka, mahčymyja ŭskładnieńni, jakija mohuć paŭpłyvać na vaš zrok.
Dy i zastacca bieź viejkaŭ — nie nadta biaśpiečnaja ideja. Navat kali vy ich tolki troški padrezali, heta pamianšaje abaronu vašych vačej ad pyłu, brudu i inšych razdražnialnikaŭ. Viejki — jašče i abarona ad mikrobaŭ, tak što kali ich padrazać, možna atrymać infiekcyju.
Viejki dapamahajuć chutčej reahavać na mahčymyja pahrozy dla voka: naprykład, kali ŭ bok voka lacić moška ci chatniaja žyvioła ciahnie da voka svaju łapu, viejki dapamohuć svoječasova heta adčuć i zapluščyć vočy. Adpaviedna, kali ich nie budzie, vy možacie nie paśpieć zapluščyć voka i atrymajecie traŭmu.
«Naša Niva» — bastyjon biełaruščyny
PADTRYMAĆTolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary