Такарчук выказала недарэчную прэтэнзію Ціханоўскаму. Яго абурэнне можна зразумець
Сяргею Ціханоўскаму стваралі нечалавечыя ўмовы як асабістаму ворагу Аляксандра Лукашэнкі.
Вольга Такарчук і Сяргей Ціханоўскі
«У мяне ўзнікае пытанне. Выходзяць людзі — не толькі палітзняволеныя, але і проста зняволеныя. І задаюць пытанне: чаму цябе не прыняла ніводная камера? Можа, ты гэта людзям раскажаш? Чаму за ўвесь час, які ты сядзеў, ты ў ні аднаго прадольнага (дзяжурнага па калідоры з камерамі ў СІЗА ці турме — НН) не пацікавіўся пра людзей, якія выйшлі за цябе і з-за цябе селі. Пра турму там ёсць [да цябе] пытаннечкі, Сярожа», — заявіла блогерка і былая палітзняволеная Вольга Такарчук у эфіры «Еўрарадыё».
Канфлікт Ціханоўскага і Такарчук працягваецца ўжо даўно. Але менавіта гэта прэтэнзія да былога палітвязня прагучала абуральна — бо не ён вінаваты ў тым, у якіх умовах яго трымалі за кратамі.
У парушэнне не толькі юрыдычных працэдур, але і ўсіх крымінальных паняццяў для Сяргея Ціханоўскага як асабістага ворага Аляксандра Лукашэнкі стварылі за кратамі нечалавечыя ўмовы. Міліцэйскае начальства спрабавала прычапіць яму «нізкі статус», што само па сабе з’яўляецца прыніжальным. Але яшчэ і перашкаджае камунікацыі з іншымі зняволенымі. Ніхто з крымінальнікаў не мог прыняць Ціханоўскага ў камеры праз гэту правакацыю турэмнай адміністрацыі, каб самому не апынуцца ў «нізкім статусе» — і тым самым добраахвотна стварыць і сабе нечалавечыя ўмовы да канца тэрміну. У выніку гэтай правакацыі Ціханоўскі быў вымушаны правесці амаль увесь час зняволення ў адзіночнай камеры. Ды яшчэ і ў рэжыме інкамунікада — без магчымасці кантактаваць з роднымі.
Вольга Такарчук пазней выбачылася за сваю рэзкую фразу і сказала, што не мела гэтага на ўвазе.
Каментары
[Зрэдагавана]