Novy typ viečarynak nabyvaje papularnaść u moładzi — udzień, z kavaj i biez ałkaholu
Šukalniki novych uražańniaŭ ciapier adpraŭlajucca na kavavyja rejvy, jakija pieratvarajuć kaviarni ŭ alternatyŭnyja placoŭki dla kancertaŭ.
Morning coffee rave — heta novy farmat haradskich viečarynak, jakija prachodziać… ranicaj. Zamiest ałkaholu — kava i smuzi, zamiest ciomnaha kłuba — śvietłyja prastory, zamiest nočy — pačatak pracoŭnaha dnia.
Z čaho pačałosia
Ideja źjaviłasia kala 2013 hoda ŭ Łondanie, kali dvoje siabroŭ — Nika Temes (Nico Thoemmes) i Samanta Mojo (Samantha Moyo) — praviali pieršuju ćviarozuju ranišniuju viečarynu pad nazvaj Morning Gloryville. Jany chacieli stvaryć alternatyvu načnomu kłubnamu žyćciu, dzie možna było b tancavać i radavacca bieź nieabchodnaści pić ałkahol ci ŭžyvać narkotyki.
Heta padałosia niečym dziŭnym — ale papularnaść takoj formy rasła. Ideja razyšłasia pa śviecie: padobnyja iventy pačali pravodzicca ŭ Ńju-Jorku, Bierlinie, Tel-Avivie, Tokia, Deli.
U apošnija hady morning raves viartajucca ŭžo z novaj nazvaj — coffee rave ci morning party, z bolšym akcentam na zdarovy ład žyćcia i spažyvańnie kavy. Miescami ich praviadzieńnia stanoviacca nie tolki kaviarni, ale i piakarni.
U čym asablivaść
1. Čas
Viečarynka (jaje lepš nazvać ranišnikam) pačynajecca a 6-8-j ranicy, časta ŭ budni dzień, i doŭžycca 2-3 hadziny. Paśla ludzi iduć na pracu abo vučobu, atrymlivajučy dozu enierhii praz tancy, muzyku i dobruju kavu.
U vychodnyja dni takija iventy pačynajucca paźniej.
2. Atmaśfiera
Nijakaha ałkaholu, tumanu i ciemry. Zvyčajna heta śvietłyja zały, z voknami i naturalnym aśviatleńniem, uśmieški zamiest kłubnaj «žorstkaści». Častka iventaŭ uklučaje johu, dychalnyja praktyki, majstar-kłasy abo nievialikija pierformansy.
3. Muzyka
Tancavalnaja i enierhietyčnaja — ad fank-chaŭsu i techna da dyska i afrabitu. Usio, što moža «raskačać» arhanizm bieź nieabchodnaści dadatkovych stymulataraŭ.
4. Kava i zdarovyja napoi
Barista-stancyja — centr pryciahnieńnia. Akramia kavy, možna vypić smuzi, kambuču, harbatu. Pitvo tut nie kab rassłabicca, a kab uźniać nastroj.
5. Aŭdytoryja
Maładyja prafiesijanały, tvorčyja ludzi, tyja, chto stamiŭsia ad kłasičnych viečarynak abo šukaje zdarovuju alternatyvu. Niekatoryja prychodziać ź dziećmi — heta časta siamiejnyja padziei.
Čamu heta važna i cikava
U epochu zdarovaha ładu žyćcia i pošuku bałansu morning raves dajuć mahčymaść adčuć siabie ŭklučanym u žyćcio, ale biez ranišniaha pachmiella ci raźbitaści. Heta nie stolki viečarynka, kolki aktyŭny rytuał — svojeasablivy abrad uklučeńnia ŭ dzień.
Moda na Morning coffee rave dajšła i da Biełarusi. Pieršym, chto prapanavaŭ taki farmat, stała kaviarnia «Kafe de Balzak» na Daŭhabrodskaj u Minsku. Chutka ideju padchapili i inšyja. Tak, praź niekalki tydniaŭ padobny ivent prajšoŭ u kaviarni ŭ parku Horkaha, kaviarni «404» na praśpiekcie Dziaržynskaha i hastrapiakarni «Siniaja ptuška» ŭ Rakaŭskim pradmieści.
Vyhladaje na toje, što z nabližeńniem leta Morning coffee rave zachopić stalicu i pieramiaścicca ŭ inšyja harady Biełarusi.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary
Jeśli možno dniom otmiečať. Dniom liniejka, školnyj bał, v obied normalno pojeli i hulať po horodu. I učitielam spokojnieje. I dietiam viesieleje.
A to stoj viečierom hołodnyj na liniejkie, potom tiemno, užie śpina bolit, hołova kružitsia, v stołovuju nie puskajut, bieskoniečnyje fotosieśsii, a potom,čuť li nie połnoċ nakoniec-to zapuskajut v stołovuju i načinajetsia nočnoje obžorstvo.
Nie vsiem dietiam eto nravitsia - noċju prazdnovať.
Počiemu by nie pierieniesti vypusknoj na dnievnoje vriemia.
A kto iz vypusknikov chočiet noċju prodołžiť, prodołžit s druźjami.
Počiemu dietiej nie sprašivajut, v kakoje vriemia sutok oni chotiat prazdnovať vypusknoj?