Pamiatajecie dziŭny čajny hryb z 90-ch? Ciapier jon u trendzie va ŭsim śviecie
Niadaŭna čajny hryb stali pradavać na raźliŭ u lehiendarnym univiersamie «Centralny». Mnohija paśmichalisia, zhadvajučy 90-ja, kali słoik ź im stajaŭ ledź nie ŭ kožnaj siamji. Ale nasamreč čajny hryb nabiraje papularnaść va ŭsim śviecie, u Jeŭropie jaho taksama pradajuć na raźliŭ, a jašče vialikimi partyjami vypuskajuć bujnyja karparacyi. I navat u dadatkach kantrolu fizičnaj formy źjaviłasia kambuča — tak napoj nazyvajuć za miažoj.
Kambuča — kisła-sałodki haziravany napoj, jaki pa smaku troški nahadvaje kvas i nasamreč pachodzić z Kitaja, dzie jaho nazyvajuć «čajem bieśśmiarotnaści» i vykarystoŭvali jašče dźvie tysiačy hadoŭ tamu.
Nam jon bolš viadomy, jak čajny hryb, jaki «ros» u trochlitrovym słoiku prosta na kuchni — u jaho dadavali chałodny čaj z cukram.
Ciapier nazirajecca druhaja chvala papularnaści čajnaha hryba. U ZŠA i ES na stełažach u supiermarkietach palicy zastaŭlenyja kambučaj, u jaje dadajuć limon, mielisu i inšyja dadatki. U adroźnieńnie ad standartnaj haziroŭki, taki napoj ličycca karysnym. Jaho vytvorčaść u Štatach štohod prynosić sotni miljonaŭ dalaraŭ, i popyt tolki raście. Svaja kambuča jość i ŭ Rasii.
Što ź siabie ŭjaŭlaje kambuča?
Heta pradukt, jaki atrymlivajecca ŭ vyniku fiermientacyi, jak johurt ci kiefir. Kab jaho pryhatavać, treba zavaryć čornuju ci zialonuju harbatu, zvyčajna z cukram, dadać zavarku ŭ jomkaść z hrybam — u vyniku atrymajecca simbijoz draždžej i vocatnakisłych bakteryj.
Reputacyja ŭ čajnaha hryba nieadnaznačnaja. Tak, jość mierkavańnie, što napoj pavyšaje imunitet, dapamahaje padtrymlivać zdarovuju mikrafłoru kišečnika za košt vialikaj kolkaści prabijotykaŭ, niekatoryja vykarystoŭvajuć hryb u kaśmietyčnych metach — nibyta jon dapamahaje razhładžvać zmorščyny. Cikava, što z hryba robiać nie tolki napoj, ale i čypsy.
Na Zachadzie jaho prasoŭvajuć jak napoj, jaki dapamahaje palepšyć pracu straŭnika, dapamahaje pry dyjabiecie, pavyšaje imunitet, źnižaje cisk i vyvodzić taksiny. Dachodzić da taho, što śćviardžajuć, jon nibyta dapamahaje zmahacca z ankałohijaj.
Ci tak karysny čajny hryb?
Razam z tym, navukoŭcy bolš aściarožnyja ŭ prahnozach. Daśledavańnie ŭ ZŠA paćvierdziła, što ŭ dyjabietykaŭ, jakija pili napoj try miesiacy, stabilizavaŭsia ŭzrovień cukru ŭ kryvi. Mierkavańni, što kambuča dapamahaje pry reŭmatyźmie, padahry, niervovych zachvorvańniach, nie paćvierdzilisia. Taksama bakteryi čajnaha hryba, u adroźnieńnie ad taho ž johurtu, nie pryznanyja prabijatyčnymi.
Jak i ŭ kvasie, u kambučy jość choć i nievialički, ale pracent ałkaholu, adnak pradajuć jaho jak biezałkaholny napoj. Adnak mohuć uźniknuć prablemy z-za niapravilnaha zachavańnia: pakupniki ŭ Štatach skardzilisia, što paśla niekalkich butelek kambučy adčuvali siabie na lohkim padpitku. Aproč taho, kambuča ŭtrymlivaje cukar, tak što dyjetyčnym taki napoj naŭrad ci možna nazvać.
Čajny hryb, chutčej, bolš zdarovaja alternatyva sałodkim haziravanym limanadam. Adpaviedna, i košt za «zdarovy» pradukt vyšejšy — prykładna ŭ dva razy za butelku.
A jašče heta napamin z 90-ch — moda viartajecca i na pradukty. Praŭda, siońnia heta ŭžo biznes. 30 hadoŭ tamu hryb pieradavali z ruk u ruki, jak rassadu z pamidorami ci piercami.
Ciapier čytajuć
«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7
Kamientary