Трамп прыпыніў увядзенне мытаў пасля таго, як Японія пачала распрадаваць амерыканскія дзяржаблігацыі
Дзеянні Японіі прывялі да абвалу на рынку, паведамляе The New York Post са спасылкай на гендырэктара буйной фінансавай установы. Таму Трамп вырашыў крыху здаць назад.
«Спачатку думалі, што гэта распрадае Кітай. Але гэта была дружалюбная нам краіна — Японія, якая прадавала аблігацыі ў велізарных колькасцях і якая падняла тым самым працэнтныя стаўкі да небяспечнага ўзроўню. Мне сказалі, што падобная нестабільнасць відавочна зрабіла ўражанне на [міністра фінансаў ЗША] Бесента», — цытуецца крыніца ў артыкуле.
Распродаж дзяржаблігацый Японіяй прывёў да абвалу на рынку амерыканскага дзярждоўгу ў аўторак вечарам. Пачалася паніка, калі рэзка ўзляцела даходнасць па працэнтных стаўках дзяржаблігацый.
«Чым вышэйшыя працэнтныя стаўкі — тым вышэйшы кошт абслугоўвання дзярждоўгу, тым складаней фінансаваць сацыяльнае забеспячэнне і г. д. Пасля прыпынення мытаў рынак аблігацый пачаў супакойвацца», — піша выданне.
9 красавіка міністр фінансаў ЗША Скот Бесент правёў прэс-канферэнцыю, дзе аб'явіў, што гандлёвая вайна ЗША з усім светам (за выключэннем Кітая) афіцыйна пастаўленая на паўзу. Ён патлумачыў гэта стылем перамоў Трампа: такім чынам ён, маўляў, прыводзіць палітыкаў за стол перамоў.
Трампаўскія тарыфы на Кітай фактычна складаюць 145%
ЕС на 90 дзён прыпыняе дзеянне ўласных тарыфаў у дачыненні да ЗША
Трамп заявіў пра гатоўнасць сустрэцца з Сі Цзіньпінам: «Ён мой сябра»
Амерыканскія біржы ўзляцелі пасля таго, як Трамп даў задні ход з пошлінамі. Услед за імі растуць і азіяцкія
Трамп падымае мыты супраць Кітая да 125%, прыпыняе іх супраць іншых краін
Краіны Еўрасаюза ўзгаднілі першую хвалю новых тарыфаў на імпарт з ЗША
Каментары