Tramp prypyniŭ uviadzieńnie mytaŭ paśla taho, jak Japonija pačała raspradavać amierykanskija dziaržablihacyi
Dziejańni Japonii pryviali da abvału na rynku, paviedamlaje The New York Post sa spasyłkaj na hiendyrektara bujnoj finansavaj ustanovy. Tamu Tramp vyrašyŭ krychu zdać nazad.
«Spačatku dumali, što heta raspradaje Kitaj. Ale heta była družalubnaja nam kraina — Japonija, jakaja pradavała ablihacyi ŭ vielizarnych kolkaściach i jakaja padniała tym samym pracentnyja staŭki da niebiaśpiečnaha ŭzroŭniu. Mnie skazali, što padobnaja niestabilnaść vidavočna zrabiła ŭražańnie na [ministra finansaŭ ZŠA] Biesienta», — cytujecca krynica ŭ artykule.
Rasprodaž dziaržablihacyj Japonijaj pryvioŭ da abvału na rynku amierykanskaha dziarždoŭhu ŭ aŭtorak viečaram. Pačałasia panika, kali rezka ŭźlacieła dachodnaść pa pracentnych staŭkach dziaržablihacyj.
«Čym vyšejšyja pracentnyja staŭki — tym vyšejšy košt absłuhoŭvańnia dziarždoŭhu, tym składaniej finansavać sacyjalnaje zabieśpiačeńnie i h. d. Paśla prypynieńnia mytaŭ rynak ablihacyj pačaŭ supakojvacca», — piša vydańnie.
9 krasavika ministr finansaŭ ZŠA Skot Biesient pravioŭ pres-kanfierencyju, dzie abjaviŭ, što handlovaja vajna ZŠA z usim śvietam (za vyklučeńniem Kitaja) aficyjna pastaŭlenaja na paŭzu. Jon patłumačyŭ heta stylem pieramoŭ Trampa: takim čynam jon, maŭlaŭ, pryvodzić palitykaŭ za stoł pieramoŭ.
Trampaŭskija taryfy na Kitaj faktyčna składajuć 145%
ES na 90 dzion prypyniaje dziejańnie ŭłasnych taryfaŭ u dačynieńni da ZŠA
Tramp zajaviŭ pra hatoŭnaść sustrecca ź Si Czińpinam: «Jon moj siabra»
Amierykanskija biržy ŭźlacieli paśla taho, jak Tramp daŭ zadni chod z pošlinami. Uśled za imi rastuć i azijackija
Tramp padymaje myty suprać Kitaja da 125%, prypyniaje ich suprać inšych krain
Krainy Jeŭrasajuza ŭzhadnili pieršuju chvalu novych taryfaŭ na impart z ZŠA
Kamientary