У ЗША патлумачылі, навошта ўвялі гандлёвыя тарыфы на бязлюдныя астравы, дзе жывуць адны пінгвіны
ЗША ўвялі мыты на бязлюдныя астравы, каб перакрыць магчымыя шчыліны для абыходу гандлёвых абмежаванняў.
Міністр гандлю Злучаных Штатаў Говард Лутнік патлумачыў, чаму бязлюдныя астравы Херд і Макдональд апынуліся ў спісе тэрыторый, на якія распаўсюджваюцца новыя мыты. Паводле яго слоў, гэта мера накіравана на ліквідацыю магчымых шчылін, праз якія іншыя краіны маглі б абыходзіць гандлёвыя абмежаванні ЗША. Лутнік адзначыў, што прэзідэнт Дональд Трамп імкнецца пераканацца, што няма ніводнай тэрыторыі, якая застанецца па-за ўвагай у гэтым пытанні.
Як вядома, пад абвешчаныя прэзідэнтам ЗША тарыфы трапіла група незаселеных вулканічных астравоў паблізу Антарктыды, пакрытых ледавікамі, якія з'яўляюцца домам для пінгвінаў.
Гэтыя выспы з'яўляюцца аднымі з самых аддаленых месцаў на зямлі. Яны абсалютна незаселеныя, і лічыцца, што апошні раз людзі наведвалі іх амаль 10 гадоў таму.
Згодна з рашэннем Трампа, з 3 красавіка на экспарт прадукцыі з гэтых астравоў у ЗША накладваецца 10-працэнтная пошліна.
«Жарты жартамі, а паводле сайта trademap, у 2024 годзе ЗША імпартавалі з населенага пінгвінамі вострава Norfolk тавараў на агульную суму $192 тысяч. У 2023 годзе — рэкордныя $686 тысяч, а ў 2022 годзе — 273 тысяч, дадзеныя прыводзіць і Сусветны Банк. Вядома, 273 тысячы «надвор'я не робяць», але звярніце ўвагу на гандлёвы код 84 у 2022 годзе — «пінгвіны» экспартавалі запчасткі для ядзерных рэактараў на $5 тысяч», — заўважыла амерыканістка Аляксандра Філіпенка.
У спісе краін, на якія тарыфы не распаўсюджваюцца, — Беларусь, Расія, Куба, Паўночная Карэя.
Цяпер чытаюць
«Беларусь цябе любіць». Рэпартаж з развітання з Мікітам Мелказёравым3
Каментары
- у тебя выбора другого не было.
- а это?
- у тебя выбора другого не было.
- а это?
- у тебя выбора другого не было.
иногда у меня впечатление, что я разговариваю с алисой