Паводле даных Крэдытнага рэгістра, на які спасылаецца Нацбанк Беларусі, у 2024 годзе назіралася максімальнае за апошнія чатыры гады павелічэнне сумы крэдытаў — на 7 мільярдаў рублёў.
Пры гэтым колькасць крэдытных дамоваў паміж банкамі і фізічнымі асобамі ў параўнанні з 2023 годам павялічылася на 166,7 тысячы і на 1 студзеня гэтага года дасягнула 5,1 мільёна дамоваў. Агульная сума крэдытаў па іх склала 38,9 мільярда рублёў.
Асноўнымі крэдытаатрымальнікамі ў Беларусі з’яўляюцца людзі ва ўзросце ад 26 да 45 гадоў — іх 51%.
На беларусаў з гэтай узроставай групы прыпадае больш за палову ўсіх заключаных дамоваў і каля дзвюх трэцяў агульнай сумы крэдытаў.
Таксама была названа сярэдняя сума, на якую гатовыя крэдытавацца беларусы — 7,6 тысячы рублёў.
Амаль палова крэдытных дамоваў заключаецца фізічнымі асобамі на тэрмін да 5 гадоў — 49%.
Цяпер чытаюць
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак18
Мінчанка Ангеліна, якая выпрасіла ў Лукашэнкі кватэру за трайнят, упершыню паказала той падарунак
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску6060
Каментары